Гонконгта алапат өрт салдарынан тұрғын үй кешенінде қаза тапқандар саны 94-ке жетті, - деп хабарлайды aqshamnews.kz тілшісі theguardian.com-ға сілтеме жасап.
Басылым мәліметінше, көп мәйіт жеті ғимараттың екеуінен табылған. Зардап шеккендердің саны 155 адамға жетті. Бұған дейін шамамен 100 адамның зардап шеккені айтылған еді.
Жарақат алғандар арасында 11 өртсөндіруші де бар.
Еске салайық, 26 қарашада Қытайдың Гонконг арнайы әкімшілік аймағында Тайпоу ауданындағы тұрғын үй алабында өрт шықты. Артынша тұрғын үй кешеніндегі өрт басқа ғимараттарға тарады.