Алакөл көлінде құтқарушылар бір отбасының тоғыз мүшесін эвакуациялады. Қатты желдің салдарынан олар жағаға өз бетінше жете алмаған, – деп хабарлайды aqshamnews.kz тілшісі 24KZ-ке сілтеме жасап.
Оқиға Жетісу облысы Ақши ауылының маңында болды. Жергілікті жедел-құтқару жасағы мен Алакөл аудандық ТЖ бөлімінің қызметкерлеріне суда қалып қойған адамдарды қайықпен құтқаруға тура келді. Ешкімге медициналық көмек қажет болмады.
Алакөлде шомылу маусымы маусымlf ашылып, қыркүйекке дейін жалғасады, ал демалыс базаларындағы демалыс құны үш мезгіл тамақтануды қосқанда бір адамға тәулігіне 20 мың теңгеден басталады.