Көрмені тамашалау тегін.
Алматы қаласы мәдениет басқармасының «Алматы әуендері» мемлекеттік кәсіпорнына қарасты Алматы галереясы Хелена Иоктон мен Мария Сороковскаяның акварель жұмыстарының көрмесін ұсынады, деп хабарлайды Almaty-akshamy.kz
Көрмеде Елена Иоктонның 42 акварель бояулы туындысы мен Мария Сороковскаяның 34 жұмысы бар.
«Акварельдер ӨМІР СЕКІЛДІ» деп аталған көрме бүгін сағат 17:00-де ашылады. Көрмені 3 наурыздан 15 наурызға дейін тамашалауға болады.
Алматы галереясының жұмыс уақыты:
Сейсенбі - жексенбі 11:00-ден 19:00-ге дейін.
Дүйсенбі - демалыс күні
Мекенжайы: Алматы қаласы, Достық даңғылы, 44, Шевченко көшесінің қиылысында.
Көрменің кураторы: өнертану кандидаты Батурина Ольга Владимировна.
Алматы галереясының көрме залында қойылған Елена Иоктон мен Мария Сороковскаяның жұмыстары ең күрделі кескіндеме техникасы – акварельде жасалған. Акварель суретшіден дәлдікті, нақтылық пен сезімталдықты талап етеді: мұнда тек қана шабыт шебердің қолын қозғайды, ештеңені өшіріп қайта салатын мүмкіндік болмайды. Келушілер назарына ұсынылған көрмеде Елена Иоктонның 42 акварель бояуы мен Мария Сороковскаяның 34 жұмысы бар.
Елена Иоктон мен Мария Сороковская пейзаж, портрет, натюрморт және дерексіз композициялар сияқты көптеген жанрда жұмыс істейді. Кейде бұл табиғаттың тірі бейнесі, эмоционалды эскиздер болса, кейде олар еркіндік пен таулардың ұлылығын сезіміне толы панорамалық пейзаждар арқылы суреттейді. Екі автор да портреттерге ерекше мән береді, олардың туындылары жанды бейнелер сынды сезімге толы. Адам бейнесі – жеке тұлғаның құндылығы мен қайталанбас ерекшелігі туралы түсінігін жоғалтып алған қазіргі жаһандық әлемде сирек кездесетін өнердің ең маңызды тақырыбы. Елена Иоктон мен Мария Сороковская өздерінің акварельдерінде адамның жан дүниесіне деген қызығушылықты оятады.
Иоктон Елена мен Мария Сороковская Қазақстан Республикасы Суретшілер одағының мүшесі, акварель бояуы бойынша көптеген халықаралық және республикалық көрмелердің (Үндістан, Ресей, Румыния, Вьетнам, Малайзия, Канада, Франция, Италия, Испания, Болгария, Түркия, Чехия, Индонезия және т.б.) қатысушылары. 2018 жылдан бастап Иоктон Елена Урбино және Фабриано (Италия) қалаларында өткен акварель фестивалінде Қазақстаннан жетекші-үйлестіруші болды. Мария Сороковская - IMWA 2-ші әмбебап акварель экспозициясының (2020) қатысушысы, оның «Туылу» атты туындысы әлемдегі 100 үздік акварельдің тізіміне енген.