Танымал актриса, «Менің сүйкімді күтушім» телехикаясының жұлдызы Анастасия Заворотнюк өмірден өтті, деп хабарлайды almaty-akshamy.kz
Актрисаның қайтыс болғаны туралы ақпарат оның ресми аккаунтында жарияланды.
« Бұл жағдайды қабылдау және мұндайда бірдеңе айту қиын. Біздің Настя ұзаққа созылған ауыр дерттен кейін бүгін түнде өмірден өтті. Шын жүректен жақсылық тілеп, оған денсаулық сұрап, сенген әрбіріңізге алғыс айтамыз. Настя әрқашан сіздердің қолдауларыңызды сезінді және жоғары бағалады.
Біз бүгін кешке онымен қоштасу орны мен уақыты туралы хабарлаймыз», - делінген хабарламада.
Анастасия Заворотнюк қатерлі ісіктің ең агрессивті түрлерінің бірі – глиобластоманы ұзақ уақыт бойы емдеу кезінде дүниеден озды.