9 қарашада сағат 11:36-да «103» жедел жәрдем қызметіне Ақтөбе облысы, Сарыжар ауылына жақын маңда тікұшақтың құлағаны туралы хабар түскен, деп хабарлайды aqshamnews.kz.
Апат орнына жеткен Мартүк аудандық ауруханасының жедел жәрдем бригадасы зардап шеккен екі адамға алғашқы көмек көрсетті. Бір адам жедел жәрдем көлігі келгенге дейін қайтыс болған.
Ақтөбе қаласының әуежайына жеткізілген зардап шегушілерді реанимациялық бригада қарсы алды. Күйік шалған екі науқас облыстық ауруханаға жеткізілді. Ауруханада реаниматолог, травматолог және комбустиологтар науқастарды қабылдау бөлімінде күтіп алды.
Қазіргі таңда зардап шеккендердің жағдайы ауыр, бірақ тұрақты. Пациенттер есінде, сұрақтарға жауап береді. Қазіргі уақытта олар аурухананың қарқынды терапия бөлімінде (ОРИТ) ем қабылдап жатыр, диагностикалық тексерулер жүргізілуде.