Ол – Леон Бернар премиясын иеленген 29 адамның бірі, Орта Азиядағы осы сыйлықтың алғашқы иегері.
Қазақ медицинасының аңызы – Төрегелді Шарманов өмірден өтті, деп хабарлайды Almaty-akshamy.kz
Қазақстан тағамтану академиясының президенті, белгілі диетолог Төрегелді Шарманов 94-ке қараған шағында дүниеден өтті.
Төрегелді Шарманұлы 19 қазан 1930 жылы Қарағанды облысы, Ұлытау ауданында туған. 1949 жылы мектепті бітірісімен Қарағанды мемлекеттік медициналық институтына оқуға түсіп, өте жақсы көрсеткішпен аяқтап шықты. 1955-1958 жылдары Қарағанды мемлекеттік медициналық институтынның асперантурасын жақсы нәтижеде бітірген.
1967 жылы «Медицина ғылымдарының докторы» ғылыми атағы; 1968 жылы профессор; 1994 жылдан бастап Қазақстан Республикасының Ұлттық ғылым академиясының академигі; Ресей Медицина Ғылым Академиясының академигі атақтарын алған.
Төрегелді Шарманов 12 жыл денсаулық сақтау министрлігін басқарып, медсанитарлық көмек жүйесін енгізген.