Қазан айының соңынан бастап "Air Astana" Ақтау, Шымкент, Астана және Ақтаудан Жидда мен Мединаға рейстерді қайта бастайды, деп хабарлайды aqshamnews.kz компанияның мәліметіне сілтеме жасап.
Қазақстандық әуе компаниясы күзде географиясы мен ұшу жиілігін айтарлықтай кеңейтіп жатыр.
Ұшулар мына жиілікте өзгеріп жатыр:
Алматы – Медина аптасына екі рет,
Шымкент – Медина аптасына бір рет,
Астана – Жидда және Астана – Медина екі апта сайын кезектесіп орындалады.
Сондай-ақ екі апта сайын кезектесіп орындалатын Ақтау - Жидда және Ақтау - Медина жаңа маршруттары қосылады.
"Бұл бағыттар қазақстандық жолаушылар үшін қажылық сапарларын одан да ыңғайлы етеді, сонымен қатар іскерлік және демалыс сапарлары үшін үлкен мүмкіндіктер береді", - деп хабарлады компаниядағылар.
Сонымен қатар қазақстандық азаматтарға Сауд Арабиясына кіру үшін виза қажет екенін еске салды.
Ресми хабарламаға сәйкес, қазан айының соңынан бастап қазақстандықтар үшін визасыз курорттық бағыттар бойынша рейстер қайта іске қосылады:
Алматы – Мале: аптасына 3 рет (Жаңа жыл мен Наурызда аптасына 5 рейс болады);
Алматы – Фукуок: аптасына 5 рет (7 желтоқсаннан бастап аптасына 7 рет ұшады)
Астана – Фукуок: аптасына 3 рет.
Қазан айының соңынан бастап "Air Astana" танымал туристік бағыттарға рейстер санын көбейтеді:
Алматы – Дубай: аптасына 7-ден 12 рейске дейін.
Астана – Дубай: аптасына 7-ден 10 рейске дейін.
Алматы – Бангкок: аптасына 4-тен 7 рейске дейін.
Алматы – Пхукет: аптасына 4-тен 7 рейске дейін.