Қазақстан мен Үндістан арасындағы әуе қатынасы кеңейіп келеді. ҚР Көлік министрлігінің мәліметінше, 20 сәуірден бастап Air Astana әуе компаниясы Алматы – Мумбай бағыты бойынша тікелей рейстерді іске қосады, деп хабарлайды aqshamnews.kz
Жаңа бағыт бойынша рейстер аптасына үш рет – жексенбі, сәрсенбі және бейсенбі күндері орындалады. Ұшулар Airbus әуе кемелерімен жүзеге асырылады.
Алғашқы рейс:
✈ Алматыдан ұшу – 20 сәуір, 04:30
✈ Мумбайға қону – 09:55 (жергілікті уақыт бойынша)
✈ Қайтар жол: Мумбай – 11:00, Алматы – 14:45
Ұшу уақыты:
- Алматы – Мумбай: 4 сағат 50 минут
- Мумбай – Алматы: 4 сағат 20 минут
Қазіргі уақытта Қазақстаннан Үндістанға Алматы – Дели бағытында Air Astana және IndiGo әуе компаниялары рейстерді орындауда. Сонымен қатар, SCAT Алматыдан Гоаға, ал FlyArystan Астанадан Гоаға тікелей ұшады.
Жаңа бағыт екі ел арасындағы іскерлік және туристік байланыстарды нығайтуға ықпал етпек.