Алматы қаласы әкімдігінің 2026 жылғы 13 сәуірдегі № 2/195-446 қаулысының күші жойылды, деп хабарлайды aqshamnews.kz тілшісі.
Алматы қаласы әкімдігінің 2026 жылғы 2 қарашадағы № 4/636-1751 қаулысы
Жер учаскелерін мемлекет мұқтажы үшін алып қоюға байланысты жер учаскелерін немесе өзге де жылжымайтын мүлікті мәжбүрлеп иеліктен шығару рәсімін тоқтату туралы
«Қазақстан Республикасындағы жергілікті мемлекетік басқару және өзін-өзі басқару туралы» Қазақстан Республикасының Заңына, «Мемлекеттік мүлік туралы» Қазақстан Республикасының Заңының 63-бабының 4-тармағына сәйкес және «Алматы қаласы Жол қозғалысы және жолаушылар көлігін ұйымдастыру басқармасы» коммуналдық мемлекеттік мекемесінің 2026 жылғы 30 қыркүйектегі №56.3-56.03/1837-И хаты негізінде Алматы қаласының әкімдігі ҚАУЛЫ ЕТЕДІ:
1. Осы қаулының қосымшасына сәйкес автобус паркі құрылысы үшін Алматы қаласы, Наурызбай ауданы, «Ақжар» шағын ауданы, Жандосов көшесінің солтүстігі, Егінсу көшесінің шығысы мекенжайы бойынша орналасқан 3 (үш) жер учаскелерін мемлекет мұқтажы үшін алып қоюға байланысты жер учаскелерін немесе өзге де жылжымайтын мүлікті мәжбүрлеп иеліктен шығару рәсімі тоқтатылсын.
2. Алматы қаласы әкімдігінің 2026 жылғы 13 сәуірдегі № 2/195-446 «Мемлекет мұқтажы үшін жер учаскелерін алып қоюға байланысты жер учаскелерін немесе өзге де жылжымайтын мүлікті мәжбүрлеп иеліктен шығарудың басталуы туралы» қаулысының күші жойылсын.
3. Алматы қаласы әкімінің аппараты осы қаулыны қабылдаған күнінен бастап үш жұмыс күні ішінде Алматы қаласы әкімдігінің интернет-ресурсын қоса алғанда, жергілікті бұқаралық ақпарат құралдарында жариялауды қамтамасыз етсін.
4. Алматы қаласы Жер қатынастары басқармасының «Қала жер орталығы» шаруашылық жүргізу құқығындағы коммуналдық мемлекеттік кәсіпорны:
1) заңнамада белгіленген тәртіппен жер учаскелерінің меншік иелерін (жер пайдаланушыларды) хабардар етсін;
2) осы қаулыдан туындайтын қажетті шараларды қабылдасын.
5. Осы қаулының орындалуын бақылау Алматы қаласы әкімінің жетекшілік ететін орынбасарына жүктелсін.
Алматы қаласының әкімі Д. Сатыбалды
Алматы қаласы әкімдігінің 2026 жылғы 2 қарашадағы № 4/636-1751 қаулысына қосымша
Мәжбүрлеп иеліктен шығарылуға жататын жер учаскелерінің тізбесі
Р/с№ | Жер учаскесі меншік иесінің (жер пайдаланушының) тегі, аты-жөні (атауы) | Кадастрлық нөмірі | Жер учаскесінің орналасқан жері | Жер учаскесінің ауданы, га |
1. | «Агрегат НС» жауапкершілігі шектеулі серіктестігі | 20-322-017-2129 | «Ақжар» шағын ауданы, Егінсу көшесі, 35/19 | 0,1554 |
2. | «Агрегат НС» жауапкершілігі шектеулі серіктестігі | 20-322-017-2130 | «Ақжар» шағын ауданы, Егінсу көшесі, 35/20 | 0,0686 |
3. | «Агрегат НС» жауапкершілігі шектеулі серіктестігі | 20-322-017-2131 | «Ақжар» шағынауданы, Егінсу көшесі, 35/17 | 1,4741 |