1 сәуірдегі мәлімет бойынша ел халқының жалпы саны 20 333 530 адамға жеткен.
Ұлттық статистика бюросы Қазақстандағы халық санын жариялады, деп хабарлайды aqshamnews.kz
1 сәуірдегі жағдай бойынша ел халқының жалпы саны 20 333 530 адам. Оның ішінде:
Қала тұрғындары – 12 833 140 адам
Ауыл халқы – 7 500 390 адам
Елдегі әйелдердің саны ерлерге қарағанда көбірек:
Әйелдер – 10 397 426
Ерлер – 9 936 104
Биыл қаңтар-наурыз айлары аралығында елде 77 345 сәби дүниеге келген.
Еске салайық, бұған дейін Қазақстанда 15 пен 28 жас аралығындағы жұмыс істейтін жастардың санын жариялаған едік. 2024 жылы олардың саны 1,8 миллион адамға жетті. Бұл көрсеткіш 2023 жылмен салыстырғанда 0,6%-ға артық.