BI Group директорлар кеңесінің төрағасы Айдын Рахимбаев компанияның салық салынатын кірістерін төмендеткені туралы БАҚ-та тараған ақпараттың қате түсіндірілгенін мәлімдеді. Оның айтуынша, салық мәселелері негізінен BI Group-тан төлем алатын және арнайы салық режимін қолданатын мердігерлерге қатысты, деп хабарлайды aqshamnews.kz
«БАҚ-та айтылған 11,9 млрд теңге дұрыс түсіндірілмеген: бұл – төленбеген салық емес, BI-мен жұмыс істейтін жүздеген шағын компаниялардың жалпы айналымы. Осы айналымнан салықтар есептелуі тиіс. Ал бұл мүлдем басқа сома», – деп жазды Айдын Рахимбаев Facebook парақшасында.
Сонымен қатар, Рахимбаев өткен аптада Қаржы министрлігі мен Үкіметте құрылыс саласындағы мәселелерді талқылаған бірқатар кездесулер өткенін атап өтті. Ол алдағы күндері ресми түсіндірме берілуі жоспарланып отырғанын айтты.