Айдос Сарым қазіргі кезеңде заңдарды жедел қабылдаумен қатар, олардың сапасын арттыру басты міндет екенін мәлімдеді, – деп хабарлайды aqshamnews.kz тілшісі.
Оның айтуынша, саяси бәсекені күшейту тетіктерін де қатар қарастыру қажет.
Депутаттың сөзінше, Мәжілісте заң жобаларын үш оқылымда қарау ұсынылып отыр. Кей жағдайларда талқылау бес-алты оқылымға дейін ұлғаюы ықтимал. Бұл бастама құжаттардың мазмұнын жан-жақты пысықтауға бағытталған.
Сонымен қатар бүгінде Мәжілісте Қоғамдық палата жұмыс істейді. «Нөлдік оқылым» деп аталатын бұл алаңда қоғамды алаңдатқан заң жобалары алдын ала талқыланады. Бұдан бөлек, заң жобалары Парламенттің күн тәртібіне шығар алдында бас комитетте қаралып, жан-жақты сүзгіден өтеді.
Айдос Сарымның атап өтуінше, егер бұрын заң жобалары төрт сатыдан өтсе, жаңа тәсіл енгізілген жағдайда олар кемінде 5–6 кезеңнен қаралатын болады. Бұл өз кезегінде заң сапасын арттыруға мүмкіндік береді.