Қазақстан Республикасының Президенті Қасым-Жомарт Тоқаевтың бастамасымен Конституцияға енгізілген өзгерістердің мәні мен маңызын кеңінен түсіндіру мақсатында Алматы қаласында арнайы коалиция құрылды.
Аталған коалицияның негізгі мақсаты – қоғамға конституциялық реформалардың мазмұнын жан-жақты жеткізу, азаматтардың құқықтық сауаттылығын арттыру, сондай-ақ елдің демократиялық даму бағытын нығайту.
Коалиция жұмысына «Ауыл» партиясы Алматы қаласы филиалының төрағасы Ахметбек Байоразұлы Қоңырбаев белсенді түрде қатысып, реформалардың маңызын халық арасында түсіндіру бағытында жүйелі жұмыстар жүргізді.
Ахметбек Байоразұлының еңбегі жоғары бағаланып, Қазақстан Республикасының Президенті Қасым-Жомарт Тоқаевтың Алғыс хатымен марапатталды. Бұл марапат – оның ел дамуына қосқан үлесінің, конституциялық реформаларды қолдаудағы белсенді ұстанымының және қоғамдық келісімді нығайтуға бағытталған қызметінің айқын көрінісі.