Алматы қалалық ардагерлер кеңесінің төрағасы Ахан Бижанов Қазақстан Республикасының жаңа конституциясының күшіне енуінің тарихи маңызын атап өтіп, бұл күнді еліміздің өміріндегі ең бір тарихи күн деп атады, – деп хабарлайды aqshamnews.kz тілшісі.
Оның айтуынша, мемлекет басшысы атап өткендей, жаңа конституция егемен мемлекетті нығайтып, демократиялық институттарды одан әрі дамытудың жаңа кезеңіне жол ашады.
«Конституция – мемлекеттің дамуының негізгі қағидаттарын айқындайтын, оның болашағының берік негізін қалайтын басты құжат. Жалпыұлттық референдумда азаматтар қолдау білдірген өзгерістер еліміздің алдағы даму бағытын айқындайтын сенімді құқықтық негізге айналды», – дейді ол.
Ол жаңа конституцияның бүкілхалықтық референдумның қорытындысы бойынша қабылданғандықтан және Қазақстан азаматтарының ерік-жігерін білдіретіндіктен, шын мәнінде халықтық Конституция екенін атап өтті.
Ардагерлер кеңесі төрағасының пікірінше, конституциялық реформаның басты мақсаты – тұрақтылықты нығайту, мемлекеттің орнықты дамуын қамтамасыз ету, мемлекеттік басқару жүйесін жетілдіру мен азаматтардың әл-ауқатын арттыру.
«Конституциялық құндылықтарды қастерлеу, қоғамның бірлігін нығайту мен тәуелсіз Қазақстанның игілігі жолында бірлесіп еңбек ету керек. Жаңа Конституция еліміздің одан әрі дамуына, әр азаматтың өмір сүру сапасын арттыруға негіз болады деген ойдамын», – дейді Ахан Бижанов.