Ведомствода «Алға Қазақстан» және «Халық дербестігі» партияларын құрудан бас тартылды.
Сенат кулуарында Әділет вице-министрі Ботагөз Жақселекова журналистердің Қазақстанда жақын арада қандай жаңа партиялар пайда болуы мүмкін екендігі туралы сұрақтарына жауап берді, деп хабарлайды аlmaty-akshamy.kz.
Айта кетейік, бүгінде елімізде 7 саяси партия ресми тіркелген.
«Қазіргі уақытта Әділет министрлігінің қарауындағы қандай да бір саяси партия құру туралы өтініштер жоқ. Бірақ биылғы жылдың басынан бастап бізге саяси партия құру туралы үш хабарлама келіп түсті. Олардың барлығы қарастырылды. Бір хабарлама бойынша - бұл «Ынтымақ» партиясына қолдау көрсетілді. Қалған екеуінен бас тартылды. Өйткені онда құжаттар толығымен бір тәртіпке келтірілмеген», - деп жауап берді Жақселекова.
Одан қай партиялар мақұлданбағанын нақтылауды сұрады.
«Бізде «Алға Қазақстан» және «Халық дербестігі» партияларының құжаттары біріздендірілмеуіне байланысты бас тартылды», - деді вице-министр.
Ол қазір Қазақстанда түрлі саяси партияларды құруға деген белсенділіктің төмендеу себебін сұраққа түсініктеме берген жоқ.