Шымкент қаласы, Абай ауданы, Шымсити шағын ауданындағы көпқабатты тұрғын үйдегі өрттен 2 адамның өмірін арашалаған Рахымжан Еркінұлы мен Орынбасар Жетпісбаевтың ерлігі нағыз жауапкершіліктің үлгісі, – деп хабарлайды aqshamnews.kz тілшісі.
Өрт шыққан пәтерде қыз бала болып, балкондағы жалынды көріп, шұғыл сыртқа шығып, айналадағы адамдардан көмек сұрады. Сол сәтте үйге жақын маңдағы мектептегі сайлау учаскесінде кезекшілікте тұрған №1 және №9 мамандандырылған өрт сөндіру бөлімінің қызметкерлері, азаматтық қорғау кіші сержанттары Рахымжан Еркінұлы және Орынбасар Жетпісбаев қыз баланың даусын ести сала оқиға орнына жедел жетті.
Қалың түтінге толы пәтерге кіру мүмкіндік болмағандықтан Р.Еркінұлы О.Жетпісбаевтың көмегімен 16-шы қабаттан 15-ші қабатқа қауіпсіз түрде түсіп, өрт сөндіргіш құралы көмегімен жанып жатқан үй заттарын тиімді түрде сөндірді. Сол уақытта О. Жетпісбаев 15-ші қабаттағы көршілес пәтерлерде барлау жұмыстарын жүргізіп, түтінге толған пәтерлерден әйел кісі мен қыз баланы қауіпсіз жерге шығарады.
Сол мезетте қосымша күштер мен құралдар жетіп, қауіпсіздікті қамтамасыз ету бойынша тиісті шараларды орындады.
Осылайша, екі қызметкердің батыл әрі жедел әрекеті, сондай-ақ қосымша бөлімшелердің кәсіби жұмысы арқасында өрттің одан әрі таралуына жол берілмеді. Бұл оқиға құтқарушылардың кәсіби дайындығы мен жауапкершілігінің нақты көрінісі.
Адам өміріне араша болған
