Биыл ұлы ақын, кемеңгер ойшыл Абай Құнанбайұлының туғанына 180 жыл толып отыр. Осы айтулы мерейтой аясында ҚР Ұлттық академиялық кітапханасының бастамасымен «Абай өлеңдері әлем тілдерінде» атты халықаралық челлендж өтіп жатыр.
Абайдың мұрасы – тек қазақ елі үшін ғана емес, бүкіл адамзат үшін баға жетпес қазына. Оның шығармаларындағы әділдік, білім, бірлік, адамгершілік туралы ойлары – ғасырлар өтсе де өз құндылығын жоғалтпайтын, халықтарды татулыққа шақыратын мәңгілік үн.
Қазақстандағы күрд қауымдастығы да Абайдың даналығын, рухани мұрасын ерекше құрметтейді. Күрд халқы да ақын жырларынан адамдықтың, достықтың, өзара сыйластықтың терең мағынасын табады. Абайдың сөзі – біздің де жүрегімізге жақын, ортақ құндылықтарымыздың айнасы.
Абайдың ұлағатты сөздері:
· «Адам болам десеңіз – бес нәрседен қашық бол, бес нәрсеге асық бол.»
· «Пайда ойлама, ар ойла.»
· «Адамның адамшылығы – жақсы ұстаздан.»
· «Біріңді, қазақ, бірің дос, көрмесең істің бәрі бос.»
Күрд және қазақ халқын ғасырлар бойы байланыстырып келе жатқан басты құндылық – өзара сыйластық пен бауырмалдық. Осы ортақ рухани сабақтастықта Абайдың орны ерекше.
Ұлы Абайдың мерейтойы баршамыз үшін – даналыққа бас иіп, мәдениет пен достықты дәріптейтін маңызды сәт.
Рафик Якубұлы Мирзоев,
Қазақстан күрдтері қауымдастығы «Барбанг»