Прокуратура білім беру мекемелерінің 800-ден астам оқытушыларына жалақының уақтылы төленбегенін анықтады.
Алатау ауданының прокуратурасымен жалақы берешегін анықтау бойынша үнемі мониторинг жүргізіледі.
Мониторинг барысында қала аумағының 6 білім беру мекемесінің қызметкерлеріне (мұғалімдеріне) жалақы бойынша 230 млн. теңгеден астам сомаға берешек бар екендігі анықталды, деп хабарлайды аlmaty-akshamy.kz.
Енгізілген қадағалау актісінің нәтижесімен жалақы бойынша берешек 803 қызметкердің алдында толығымен өтелді, заңдылықты бұзуға жол берген білім беру мекемелерінің басшылары әкімшілік жауапкершілікке тартылды.
Бұл бағыттағы жұмыс аудан прокуратурасының тұрақты бақылауында.