Астанада өзін "емші" ретінде таныстырып, TikTok арқылы қызмет ұсынған тұрғын үш әйелді алдап, 5,5 млн теңгеге жуық қаржысын иемденген, деп хабарлайды Aqshamnews.kz тілшісі.
Астана қаласы прокуратурасы мәліметінше, күдікті жәбірленушілердің бірінің сырқат екенін біліп, «ерекше қабілетіммен емдеп беремін» деп сендірген. Осы әйелден және тағы екі азаматшадан жалпы 5,5 млн теңге алған. Тергеу барысында оның бұл қаражатты құмар ойынға жұмсағаны анықталған.
Сотта айыпталушы кінәсін толық мойындап, келтірілген шығынның бір бөлігін қайтарған. Прокурор айыпты толық дәлелдеп, сот шешімімен ол 2 жыл 4 айға бас бостандығынан айырылды.