Қандай депозиттерді және қандай мақсатта ашатынын зерттеген социологиялық зерттеудің нәтижелері бойынша, отбасылы қазақстандықтар көбіне болашаққа және тосыннан болатын шығындар үшін жинақтау мақсатында депозит ашады, деп хабарлайды aqshamnews.kz
Қазақстандық депозиттерді кепілдендіру қоры мен маркетинг және социология институты «Elim» жүргізген зерттеу бойынша 4000 респонденттен сауалнама алған.
«Отбасылы қазақстандықтардың үштен бірі (33%) банктерде депозиттерге ие. Бұл ретте ерлер мен әйелдер депозит ашуда бірдей жиі кездеседі – 49% және 51%, сәйкесінше. Қызықтысы, сауалнамаға қатысқандардың 80%-ы депозиттерін теңгеде ашуды жөн көреді», – дейді сарапшылар.
Астана мен Алматыдағы отбасылар арасында жинақтары бар адамдардың үлесі сәл жоғары – шамамен 40%. Негізгі жинақтау мақсаттары – болашақ үшін. Оның ішінде тосыннан келетін шығындар болған жағдайда қиналып қалмас үшін жнақтайды. Депозиттерді осы мақсатта ашқан респонденттердің 56%-ы осындай себепті атап өтті.
Екінші орында – жылжымайтын мүлік сатып алу (15%). Үшінші орында – балалардың білім алуы немесе олардың болашағы үшін жинақ жасау.