Қазақстанның Даму Банкі республикалық маңызы бар автожолдарды қалпына келтіру жобасын қаржыландырады, деп хабарлайды almaty-akshamy.kz
Мемлекет басшысының тапсырмаларын орындау және экономикалық өсімді қамтамасыз ету мақсатында ҚР Үкіметінің Жоспарын іске асыру үшін «Қазақстанның Даму Банкі» АҚ республикалық маңызы бар автожолдарды қалпына келтіру жөніндегі инвестициялық жобаны қаржыландыруды бастайды.
- Қаржыландыру көлемі: 450 млрд теңге мөлшеріндегі ұзақ мерзімді несие қаражаты «ҚазАвтоЖол» ҰК» АҚ-ға тиісті келісім шеңберінде бөлінетін болады.
- Іске асыру мерзімі: Жоба 2024-2027 жылдар аралығында іске асырылады.
- Жолдардың жалпы ұзындығы: 5 мың шақырымнан асатын республикалық маңызы бар автожолдар.
Жоба Қазақстанның барлық аумағында жүзеге асырылады. Облыс орталықтарын Абай, Ақмола, Ақтөбе, Алматы, Атырау, Шығыс Қазақстан, Жамбыл, Жетісу, Батыс Қазақстан, Қарағанды, Қостанай, Қызылорда, Маңғыстау, Павлодар, Солтүстік Қазақстан, Түркістан және Ұлытау облыстарының елді мекендерімен байланыстыратын жолдарды, сондай-ақ республикалық маңызы бар трассаларды қалпына келтіруді көздейді.
- Су өткізгіш құбырлар: Апатты көпірлер қайта жаңартылады.
- Автоматтандырылған жүйе: Жолдардың қалпына келтірілген учаскелерінде көлік құралдарының салмағы мен көлеміне қатысты параметрлерін өлшеудің автоматтандырылған жүйесі іске қосылады.
Бұл жобаны іске асыру өңірлердің көліктік-логистикалық әлеуетін ашуға елеулі үлес қосады. Нақтырақ айтсақ:
- Жолдардың техникалық сипаттамасы жақсарады.
- Көлік магистральдарының өткізу қабілеті мен жайлылығы артады.
- Жол бойындағы елді мекендердің дамуы.
- Халықтың іскерлік белсенділігі артады.
- Көлік қызметтерін ақпараттандыру процесі жеделдетіледі.
- Көлік тасымалдарына қаржылық және уақытша шығындар қысқарады.
Бұл шаралар елдің аграрлық және өнеркәсіптік секторларының дамуына оң әсер етеді.