Синоптиктер 19 шілдеде Қазақстанның басым бөлігінде аптап ыстық пен қатты жел болатынын болжайды, - деп хабарлайды aqshamnews.kz тілшісі.
Астана - түнде +15+17 градус, көшпелі бұлтты, кей уақытта жаңбыр, найзағай, бұршақ жауады. Жел солтүстік-батыстан 9-14, күндіз екпіні 15-20 метр секундқа дейін. Күндіз +21+23 градус, көшпелі бұлтты, кей уақытта жаңбыр, найзағай, бұршақ жауады.
Алматы - түнде +23+25 градус, көшпелі бұлтты, жауын-шашынсыз. Жел солтүстік-шығыстан 3-8, күндіз екпіні 13 метр секундқа дейін. Күндіз +36+38 градус, көшпелі бұлтты, жауын-шашынсыз.
Шымкент - түнде +21+23 градус, көшпелі бұлтты, жауын-шашынсыз. Жел солтүстік-батыстан 8-13, күндіз екпіні 15-20 метр секундқа дейін. Күндіз қатты ыстық +39+41 градус, көшпелі бұлтты, жауын-шашынсыз.