Қазақстан ақпараттық қауіпсіздік деңгейі бойынша әлемде қазір 31-орында.
Ал осыдан 10 жыл бұрын 103-орында еді. Бұл ақпараттық қауіпсіздік комитеті келтірген статистика, деп хабарлайды aqshamnews.kz 24.kz-ке сілтеме жасап.
Көрсеткіш қуантарлық болса да, халықтың сауаттылық деңгейін әлі де көтеру керек. Ол үшін арнайы портал да ашылған. Мұнда азаматтар киберқауіпсіздік негіздерін оқып, жеке деректерін сақтауды үйренеді.
Нұрбол Мұқашев, ақпараттық қауіпсіздік комитетінің дербес деректерді қорғау басқармасының басшысы:
Осы уақыт ішінде порталда 300 мыңнан астам пайдаланушы кірген, танысқан. Оның ішінде 55 мыңнан астам адам тіркелген. Ал 41 мыңнан астам адам оқуды, курсты толық өткен.
Яғни азаматтар жеке деректерін қорғауға бағытталған қарапайым ережелерден хабардар болуы шарт.