Қаржы министрлігі, Ұлттық банк және екінші деңгейлі банктер жеке кәсіпкер ретінде тіркелмеген азаматтарға арналған жаңа шекті межені бекітті.
Егер 2026 жылдың 1 қаңтарынан бастап, бір жеке тұлғаның шотына әр ай сайын 100 немесе одан да көп түрлі адамнан 3 ай ішінде жалпы сомасы 12 АЕК (яғни 1 020 000 теңгеден) асатын қаражат түссе, салық органдары ол адамның тіркелмеген кәсіпкерлікпен айналысып жатқан-жатпағанын тексеруге құқылы болады, деп хабарлайды aqshamnews.kz.
Бұл шотқа түскен келесі түсімдер есепке алынбайды:
• депозиттен аударылған қаржы,
• банкомат арқылы салынған қаражат,
• жалақы және әлеуметтік төлемдер.
Бұл ереже Сенат жаңа Салық кодексін өзгеріссіз қабылдаған жағдайда ғана 2026 жылдың басынан бастап күшіне енеді.