Алматы қалалық қан орталығының (ҚҚО) директоры Жандос Надиров Өңірлік коммуникациялар қызметінің брифингінде қан қызметінің 2024 жылғы жұмыс қорытындысы туралы айтты.
ҚҚО еліміздегі донациялар саны бойынша Астана қаласындағы Трансфузиология ғылыми-өндірістік орталығынан (ҒӨО) және Шымкенттегі ҚҚО-нан кейінгі үшінші орында, деп хабарлайды aqshamnews.kz.
Бір жыл ішінде 19788 қан донациясы жүргізілді, 15659 литр донорлық қан дайындалды және 38607 доза қан компоненттері берілді.
Спикердің мәліметінше, қан компоненттерін бір жылда 8665 пациент алған, ал трансфузиялардың жалпы саны 37347-ні құраған.
Надировтың айтуынша, жұмыстың маңызды бөлігі жылжымалы контейнерлермен барып қан тапсыру болды, олар жалпы санның 38,1%-ін құрады. Мұндай іс-шаралар әскери бөлімдерде, жеке және мемлекеттік ұйымдарда, соның ішінде Халық лайфте, Яндексте және басқа да орындарда өткізіледі.
«Жылжымалы қан тапсыру сапарлары туралы БАҚ-та жарияланып, әлеуметтік желілерде белсенді түрде хабарланады. Біз донорлыққа адамдарды көптеп тартуға тырысамыз, өйткені әрбір қан тапсырушы үш адамның өмірін сақтап қалуы мүмкін», - деп атап өтті ҚҚО директоры.
Оның деректері бойынша донорлардың негізін Алматы тұрғындары құрайды -70%, ал 30%-ы облыстан келеді. Донорлардың жартысы - 18 бен 35 жас аралығындағы жастар.
«Донорлық – бұл мұқтаж адамдарға көмектесу ғана емес, сонымен қатар денсаулықты қалыпта ұстау тәсілі. Біз жылына кем дегенде бір рет қан тапсыруды ұсынамыз», - деді ол.
Надиров Қалалық қан орталығы донорлық мәдениетті дамытуды жалғастыра отырып, қала және облыс тұрғындарының денсаулығы мен өмірін сақтап қалуға үлес қосатынын айтты.