«Отбасы банкі» халыққа қолжетімді баспана алуға мүмкіндік беретін бірнеше бағдарламаны жүзеге асырып келе жатқанын жақсы білесіздер. Биыл банк ұсынатын тұрғын үй алуға арналған бағдарламаларда біраз өзгерістер енгізілді.
Жақында «Наурыз» бағдарламасының ашылуын күтіп отырмыз. Бұл бағдарлама салымшыларына өткен жылғы өтінім қабылдау кезінде депозитте бар сома бір миллион теңгені құраған болатын. Қазір ол екі миллион теңгеге дейін ұлғайтылды. Бұл – бірінші өзгеріс.
Екінші өзгеріс, ол – алғашқы жарнасы. Егер де біздің клиентіміз Баспана маркет порталында берілген пәтерлердің ішінен таза әрленген үйлерді алуға ниет білдірсе, онда олардың алғашқы жарнасы 10%-ды құрайтын болады.
Бұл өзгеріс клиенттердің ай сайын төлейтін сомасының аз шығуына көмектеседі. Мәселен, үй алғаннан кейін азаматтар жөндеу жұмыстарын жүргізуге басқа жерден кредит алуы мүмкін. Сондықтан құрылыс компаниялары таза, әрленген пәтерлерді ұсынады. Сонда біздің клиенттерімізге ай сайын төлейтін сомасы тек қана бір кредитпен шектелетін болады.
Бұдан бөлек, биыл «Ұмай» және «Жасыл ипотека» бағдарламалары іске қосылады. Азиялық даму банкімен бірлескен жоба 90 млрд теңге қаражат тартылып отыр. «Ұмай» бағдарламасының аясында жөндеу жұмыстары бойынша 15 млн теңгеге дейін несие алу мүмкіндігі бар.
Нарықтық бағдарламаларымыз да бар. Яғни 50/50, «Өз үйім» бағдарламалары арқылы барлық қатысушы өзіне ұнаған пәтерлерін бірінші немесе екінші нарықтан сатып ала алады.
Алматы тұрғындарынан жылдан-жылға өтінім берушілердің қатары көбейіп, банктің салымшыларының саны артуда. Несие алатын отбасылар да көбейді. 2024 жылы Алматы қаласы бойынша 13679 отбасы үйлі болып, қоныс тойын тойлады.