1954 жылы БҰҰ Бас Ассамблеясы барлық елдерге осы күнді балалардың әлемдік достастығы мен өзара түсіністік күні ретінде атап өтуге ұсыныс жасады. Бұл күн әлемдегі балалардың әл-ауқатын қамтамасыз ету мақсатында атқарылып жатқан іс-шараларға арналады.
БҰҰ-ның соңғы мәліметтері бойынша, әлемдегі әрбір бесінші бала экстремалды кедейлікте өмір сүріп жатыр. 160 миллион бала, бұл – әрбір оныншы бала, өмір сүру үшін жұмыс істеуге мәжбүр. Әр жыл сайын 11 миллион бала 5 жасқа жетпей қайтыс болады, ал ондаған миллион бала физикалық немесе ақыл-ой дамуының ауытқуларына ұшырап, өсу, өмір сүру және дамуға мүмкіндік алмайды.
Халықаралық балалар күні кезінде әлемнің әр түрлі елдерінде қоғамдық және коммерциялық ұйымдардың қолдауымен қайырымдылық акциялары мен шаралар өткізіледі.
Бұл күні әлем балалардың идеялары мен талаптарына ерекше назар аударуы қажет.