Өзбекстанда 2 мыңнан астам шенеуніктің орнын жасанды интеллект басады, деп хабарлайды aqshamnews.kz
Өзбекстанда жасанды интеллектті енгізу нәтижесінде 1 қарашаға дейін 2 мыңнан астам шенеунік жұмыссыз қалады. Ел президенті Шавкат Мирзиёевтің тиісті жарлығы Ұлттық заңнама базасында жарияланды.
Құжатқа сәйкес, атқарушы билік жүйесінде 2141 штат бірлігі қысқартылады. Соның ішінде ең көп қысқарту Салық комитетінде болады (498 бірлік). Су шаруашылығы министрлігінде – 224, Ауыл шаруашылығы министрлігінде – 200, Жұмыспен қамту және кедейлікті қысқарту министрлігінде – 163, Экология министрлігінде – 176, Әділет министрлігінде – 197 штат бірлігі.
Жарлықта мемлекет қысқартуға ұшыраған қызметкерлерді жұмысқа орналастыруға көмектеседі делінген.
