Синоптиктердің болжауынша, 15 сәуірде республика аумағының басым бөлігінде жаңбыр жауып, кей жерлерде найзағай, бұршақ және екпінді жел болады. Солтүстік, шығыс өңірлерде жауын-шашын жаңбыр мен қар түрінде түсуі мүмкін, – деп хабарлайды aqshamnews.kz тілшісі.
Астанада күннің екінші жартысында жаңбыр жауып, соңы қарға ұласуы ықтимал. Алматыда күн соңында жаңбыр мен найзағай күтілсе, Шымкентте өткінші жаңбыр, найзағай және қатты жел болжанып отыр.
Ақмола, Ақтөбе, Алматы, Атырау, Жамбыл, Қызылорда, Маңғыстау, Түркістан, Ұлытау және басқа да облыстарда жел күшейеді. Кей өңірлерде тұман түсіп, көктайғақ болып, өрт қаупі жоғары деңгейде сақталады.