«Қазгидромет» болжамына сәйкес, 15 қаңтарда Қазақстанның батысы мен солтүстігінде қар жауады. Елдің оңтүстігінде жаңбыр аралас қар жауады деген болжам жасалды, деп хабарлайды aqshamnews.kz.
Ал оңтүстік-шығыс, шығыс және орталық Қазақстанда антициклонның әсерінен жауын-шашынсыз ауа райы сақталады.
Жалпы алғанда, республика аумағында жел тұрып, тұман түседі. Батыс пен оңтүстік-батыста көктайғақ болуы мүмкін, солтүстікте боран, солтүстік, шығыс және оңтүстік-шығыста желдің күшеюі күтілуде.
Қалалар бойынша ауа райы:
- Астана: құбылмалы ауа райы сақталады, қар, температура түнде −10–12 °C, күндіз −6–8 °C.
- Алматы: күн бұлтты, жауын-шашынсыз, температура түнде −4–6 °C, күндіз +4–6 °C.
- Шымкент: ауа райы құбылмалы болады, жауын-шашынсыз, температура түнде 0–2 °C, күндіз +8–10 °C.