Ақтөбе облысында орталық базардағы зергерлік шеберханалардың бірінде жұмыс істейтін зергер клиенттерді алдап, алтын бұйымдарын ломбардқа өткізгені анықталды, деп хабарлайды Aqshamnews.kz тілшісі.
Облыстық полиция департаментінің мәліметінше, зергерге қатысты бірнеше азаматтан арыз түскен. Ол клиенттерден алтын бұйымдарды жөндеу немесе әшекей жасау үшін қабылдап алып, кейін оларды ломбардқа өткізіп, түскен ақшаны жеке қажеттіліктеріне жұмсаған.
«Қазіргі таңда оның кемінде 20 алаяқтық дерегіне қатысы бары анықталды. Жәбірленушілерге келтірілген жалпы шығын 12 миллион теңгеден асады. Күдікті уақытша ұстау изоляторына қамалды, тергеу жұмыстары жүргізіліп жатыр», – делінген хабарламада.