Алматы – Ташкент – Термез тас жолында қалың қар мен ұйытқып соқққан боранның салдарынан 1 мыңнан астам көлік тқрып қалды, деп хабарлайды aqshamnews.kz
Оның ішінде 580 жүк көлігі бар. Қазіргі таңда жүргізушілерге 100-ден астам полицей көмек көрсетіп жатыр. Жолдарды тазалауға 20 техника бірлігі жұмылдырылған.
Жамбыл облысының полиция департаменті 2025 жылдың 7 қаңтарында боран, жолда жүру мүмкіндігі нашарлауына байланысты Қайнар ауылынан Отар елді мекеніне дейінгі аралықтағы 238-ден 159 км жолдың барлық көлік түрлері үшін жабылғанын хабарлады.
Полиция мәліметтері бойынша, Жуалы ауданындағы Шахан асуында тұрып қалған 14 адам Күлтоған ауылына жеткізіліп, туыстарының үйлеріне орналастырылған. Сонымен қатар, патрульдік полицейлер қар құрсауынан 10-нан астам көлікті шығарған.