Биылғы байқаудың басты ерекшелігі енді квота әр сала бойынша бөлінеді.
Күні бүгінге дейін елде 60 мыңнан астам жас өтініш берсе, соның 400-і резервке қабылданған. Олардың 80 пайызы қазір сан салада лауазымды қызметтерге тағайындалып, табысты еңбек етіп жүр, деп хабарлайды aqshamnews.kz.
Байқау осымен төртінші рет өткізіліп отыр. Үміткерлерді іріктеу 6 кезеңнен тұрады. Құжаттар онлайн түрде қабылданады. Тіркелу кезінде қатысушылар алты салалық бағыттың бірін таңдауы керек. Комиссия шешімімен іріктеуден өткен 50 үздік жас, кадрлық резервке қабылданады.
Мұрат Байсалов, ҚР Мемлекеттік қызмет істері агенттігі облыстық Департаментінің басшысы:
Осыған дейін үш іріктеу өткізілген болатын. 2019, 21, 23 жылдары облысымыздан сол резервке енген азаматтар да бар. Қазіргі таңда облысымызда төрт резерв жұмыс істеп жатыр. Аталған механизм жастарға әлеуметтік лифт ретінде қолданылатын құралдардың бірі.