Forbes Kazakhstan биыл елдің ең ықпалды 50 бизнесмені рейтингін жариялады, - деп хабарлайды aqshamnews.kz тілшісі.
Тек экономика саласындағы кәсіпкерлер емес
2025 жылы Forbes редакциясы жаңа үрдісті атап өтті. Енді тізімге тек қаржы мен инвестиция саласында емес, мәдениет, спорт және әлеуметтік жобаларда да өз ықпалын күшейтіп келеді.
-
Нұрлан Смағұлов – Қазақстандағы алғашқы заманауи өнер музейін, Almaty Museum of Arts ашты.
-
Қайрат Боранбаев рейтингке қайта оралып, "Целинный" заманауи мәдениет орталығын таныстырды. Оның "Қайрат" футбол клубы алғаш рет УЕФА Чемпиондар лигасының негізгі кезеңіне шықты, бұл оқиғаны сарапшылар қазақстандық футболдағы жаңа кезең деп бағалады.
-
Айдын Рахимбаев негізін қалаған "Аналар үйі" қоры мен IQanat білім беру жобасы Гарвард бизнес мектебінің оқу бағдарламасына енгізілді. Ол Арсен Томскиймен бірге жаңа халықаралық бастамаларды қолға алып жатыр.
-
Сайдулла Қожабаев (оның негізін қалаған Alageum Group компаниясын бүгінде ұлы Еркебұлан Ильясов басқарады, биыл ол Ұлттық спорт түрлері қауымдастығының президенті болып сайланды), сондай-ақ Қанат Көпбаев пен Марат Жұман жеке инвестицияларын ұлттық спорт түрлерін дамытуға бағыттап отыр. Бұрын бұл сала мемлекет қамқорлығында ғана болатын.
Жаңа есім және өзгерістер
2025 жылғы рейтинг құрамы негізінен тұрақты қалды, бірақ орын ауыстырулар көп болды.
Биылғы жаңа есім – Айғазы Құсайынов, International Educational Corporation Ltd. иесі. Оның басқаруында Қазақ бас сәулет-құрылыс академиясы (ҚазБСҚА), Қазақ-американ университеті, KazGASA College, Digital College, KazGASA School, KAU School, және жақында ашылғалы жатқан Charterhouse Almaty мектебі бар.
Толық тізімді мына сілтеме арқылы көруге болады.