2025 жылдың желтоқсан айында қазақстандықтарды қосымша демалыс күтіп тұр. Бұл өзгеріс Тәуелсіздік күніне орай беріліп отыр, - деп хабарлайды Aqshamnews.kz тілшісі.
Тәуелсіздік күні жыл сайын 16 желтоқсанда атап өтіледі. Биыл да бұл күн ресми мереке және демалыс күні.
Жалпы желтоқсан айында:
-
5 күндік жұмыс аптасы үшін – 9 демалыс, 22 жұмыс күні;
-
6 күндік жұмыс аптасы үшін – 4 демалыс, 26 жұмыс күні болады.
Жаңа жылды алдын ала жоспарлайтындар үшін маңызды жайт – 31 желтоқсан 2025 жыл жұмыс күні. Сондықтан жыл соңындағы сауда, мерекелік дайындық пен сапарларды ертерек ойластырған дұрыс.
31 желтоқсанды демалыс ету туралы пікірталас
Әлеуметтік желіде 31 желтоқсанды ресми демалыс ету туралы ұсыныс жиі көтеріледі. Алайда Еңбек және халықты әлеуметтік қорғау министрлігі бұл күн мемлекеттік мерекелер қатарына кірмейтінін және оны демалыс деп жариялау "орынсыз" екенін атап өткен.
Желтоқсан айындағы кәсіби мерекелер
Тәуелсіздік күнінен бөлек, желтоқсан айында бірнеше кәсіби мереке бар:
-
5 желтоқсан – Адвокатура күні;
-
6 желтоқсан – Прокуратура қызметкерлері күні;
-
13 желтоқсан – Қылмыстық-атқару жүйесі қызметкерлері күні;
-
20 желтоқсан – Мемлекеттік фельдъегерлік қызмет күні;
-
22 желтоқсан – Энергетик күні және Архивист күні.
Осылайша, желтоқсан айы қазақстандықтар үшін мерекелер мен кәсіби даталарға толы болмақ. Сол себепті қазақстандықтарға алдағы демалыс пен жұмыс күндерін қазірден бастап жоспарлап алу ұсынылады.