Маңғыстау облысында полицейлерді «қоқыс» деп балағаттап, видеоны TikTok-та жариялаған жасөспірімге сот үкім шығарды, деп хабарлайды Aqshamnews.kz тілшісі Lada.kz-ке сілтеме жасап.
Оқиға кәмелетке толмаған жасөспірім нөмірсіз мотоцикл айдап жүрген кезде болған. Полицейлер оны тоқтатқан сәтте жасөспірім құқық қорғау қызметкерлерін балағаттап, бәрін телефонына түсіріп, кейін әлеуметтік желіге жүктеген.
Мемлекеттік айыптаушы жасөспірімді 30 сағат қоғамдық жұмысқа тартуды сұрады. Жәбірленуші-полицей бұл талапты қолдады. Сотта жасөспірім кінәсін толық мойындап, кешірім сұрады, ал қорғаушысы жазаға жеңілдету сұраған.
Сот оның кінәсі:
-
видеожазба,
-
өзінің мойындауы,
-
жәбірленушінің арызы,
-
психологиялық-филологиялық және психиатриялық сараптама қорытындылары арқылы дәлелденгенін атап өтті.
Жасөспірімнің кәмелетке толмағаны, бұрын сотталмағаны және өкініш білдіруі жеңілдететін мән-жай ретінде ескерілді, ал ауырлататын факторлар анықталмады.
Нәтижесінде ол ҚР ҚК-нің 378-бабының 2-бөлігі («Билік өкілін қорлау») бойынша кінәлі деп танылып, 30 сағат қоғамдық жұмысқа міндеттелді.