Almaty qalasynda 19 sáuír kúní Jambyl atyndaǵy Qazaq memlekettík fılarmonıyasy sahnasynda «Zuleı̆ha» spektaklíníń 1 jyldyq merekelík kórsetílímí ótedí, – dep habarlaıdy aqshamnews.kz tílshísí.
Álemníń bírneshe tílíne audarylyp, halyqaralyq deńgeı̆de keńínen tanylǵan Guzel Yahınanyń «Zuleı̆ha otkryvaet glaza» romany alǵash ret qazaq sahnasynda qoı̆ylyp, kórermenníń erekshe yqylasyna ıe boldy. Bír jyl íshínde spektakl teatr súı̆er qauym arasynda rezonans tudyryp, zamanauı qazaq teatrynyń mańyzdy mádenı oqıǵalarynyń bíríne aı̆naldy. «Zuleı̆ha» – teatr jáne kıno aktrısasy, ánshí Saltanat Baqaevanyń prodyuser retíndegí alǵashqy jobasy. Būl qoı̆ylym – onyń shyǵarmashylyq jolyndaǵy jańa beles árí batyl eksperıment.
Spektakl turaly
«Zuleı̆ha» — tozaqta tuǵan mahabbat jaı̆ly tereń dramalyq hıkaya.
Qoı̆ylym bas keı̆ípkerdíń úreı̆ men qorqynyshqa toly álemde kúı̆euínen, úı̆ínen, ótkenínen aı̆yrylǵan sátínen bastalady. Zuleı̆ha úshín ómír túrmege aı̆nalady. Alaı̆da dál osy qatygezdík pen úmítsízdík ortasynda ol alǵash ret erkíndíktí, názík árí alapat mahabbatty sezínedí.
«Zuleı̆ha kózín ashady... Al síz she?»
Shyǵarmashylyq top
− Avtor – Guzel Yahına
− Rejısser – Álíbek Ómírbekūly
− Kıím suretshísí – Arman Temírtas
− Prodyuser – Saltanat Baqaeva
Akterlík qūram
− Zuleı̆ha – Saltanat Baqaeva
− Upyrıha, Ignatov – Azamat Satybaldy
− Murtaza – Bekjan Tūrys
− Yusuf – Rauan Ahmedov
Sahnada Qazaqstannyń eńbek síńírgen qaı̆ratkerlerí Bekjan Tūrys pen Azamat Satybaldy óner kórsetedí. Ásírese, bír spektaklde ekí túrlí mínezdí keı̆ípkerdí qatar alyp shyǵatyn Azamat Satybaldynyń oı̆yny kásíbı sheberlíktíń joǵary deńgeı̆ín aı̆qyndaı̆dy. Jas akter Rauan Ahmedov úshín būl – teatr sahnasyndaǵy alǵashqy qadam. Al basty róldí somdaǵan Saltanat Baqaeva úshín joba akterlík pen prodyuserlíktí qatar alyp júrgen shyǵarmashylyq ízdenístíń nátıjesí.