Almatyda 19 sáuírde toǵyzynshy Almaty Half Marathon ótíp, oǵan álemníń 44 elínen 10 000-nan astam jelayaq qatysty. Auqymdy sporttyq ís-shara dástúrlí túrde Qazaqstandaǵy írí júgíru mausymynyń shymyldyǵyn túríp, qalanyń halyqaralyq sporttyq turızm ortalyqtarynyń bírí retíndegí mártebesín taǵy bír márte rastady, – dep habarlaıdy aqshamnews.kz tílshísí.fkvfns
Bıyl jartylaı marafon sheteldík qatysushylar sany boıynsha rekord ornatty: jarysqa 800-den astam sheteldík sportshy qatysty. Ásírese, Reseı, Qyrǵyzstan jáne Ózbekstan elderínen kelgen jelayaqtar sany kóp boldy. Sonymen qatar Qytaı, AQSh, Ūlybrıtanıya, Ukraına, Belarus jáne Europa, Azıya, Amerıka men Tayau Shyǵystyń basqa da elderínen jarys jolyna shyqty.
Ūıymdastyrushylar — «Bírínshí bolu batyldyq» korporatıvtík qorynyń málímetínshe, jyl saıyn qatysushylar auqymy keńeıíp, marafon álemníń túkpír-túkpírínen júgíru áuesqoılaryn basyn qosatyn mańyzdy alańǵa aınalyp keledí.
Sporttyq saıyspen qatar, ís-shara ayasynda «Taza Qazaqstan» jalpyūlttyq bastamasyna oraı ekologıyalyq aktsıya da ūıymdastyryldy.
Jarys baǵyty boıynda jáne márege jetu aımaǵynda qaldyqtardy bólek jınauǵa arnalǵan arnaıy oryn ūıymdastyrylyp, ekologıyalyq mazmūndaǵy ınteraktıvtí aımaqtar jūmys ístedí. Jınalǵan qaıta óńdeletín qaldyqtar EcoNetwork seríktesíníń qoldauymen óńdeuge jíberíldí.
Ūıymdastyrushylar qorshaǵan ortaǵa túsetín salmaqty azaıtuǵa aıryqsha kóńíl bólíp, bír rettík materıaldardy qoldanudy qysqartyp, baspa ónímderíníń bír bólígínen bas tartty. Sonymen bírge, tūraqty árí jauapty tūtynu mádenıetín engízuge basymdyq beríldí.
Marafon ayasynda «Teplo» qaıyrymdylyq bastamasy da ótkízílíp, qatysushylar qaldyrǵan jyly kıímder jınalyp, sūryptalyp, mūqtaj jandarǵa tabystaldy.
Almaty qalasy sport basqarmasynyń habarlauynsha, mūndaı auqymdy sharalar būqaralyq sportty damytuǵa ǵana emes, qoǵamda ekologıyalyq mádenıettí qalyptastyruǵa da zor yqpal etedí. Būl — «Taza Qazaqstan» bastamasynyń negízgí maqsattarymen tolyq úndesedí.
Ūıymdastyrushylar qatysushylardyń jaılylyǵyn da nazardan tys qaldyrmady: márege jetu aımaǵynda ana men balaǵa arnalǵan arnaıy bólme jasaqtalyp, bólek jáne ınklyuzıvtí sanıtarlyq aımaqtar qarastyryldy.
Almaty Half Marathon Almaty qalasy ákímdígíníń qoldauymen óttí.