Beıjíńde erekshe jartylaı marafon óttí. Onda tarıhta alǵash ret gumanoıd robottar adamdardan ozyp kettí, – dep habarlaıdy aqshamnews.kz tílshísí Deutsche Welle basylymyna sílteme jasap.
Jarys jeńímpazy Shandian roboty atandy, ol 21 shaqyrymdy 50 mınut 26 sekundta baǵyndyrdy. Būl rette Lightning roboty qashyqty bárínen jyldam óttí - 48 mınut 19 sekund, alaıda jarys erejeleríne baılanysty ol resmı jeńímpaz dep tanylmady.
Salystyrmaly túrde aıtsaq, erler arasyndaǵy jartylaı marafondaǵy álemdík rekord ugandalyq jelayaq Djeıkob Kıplımoǵa tıesílí - 57 mınut 20 sekund. Būl kórsetkísh nauryzda Lıssabon jartylaı marafonynda tírkelgen bolatyn.
Aıta keteıík, būdan bír jyl būryn Beıjíńdegí mūndaı jarysta eń úzdík robot qashyqty 2 saǵat 40 mınuttan asa uaqytta júríp ótken edí. Būl tehnologıyanyń qaryshtap damyp kele jatqanyn ańǵartady.
Jarysqa myńdaǵan adammen qatar 100-den asa kompanıya men zertteu ortalyqtarynyń robottary qatysty. Qauípsízdík úshín trassa bólíndí: adamdar men mashınalar bólek jolda júgírdí.
Robottardyń múmkíndíkterín ártúrlí jaǵdaıda tekseru úshín marshrut tegís jerlerden bastap, órleu, būrylys jáne tar aımaqtarǵa deıíngí betkeıdíń 10-nan asa túrín qamtydy.
Jarys kezínde robottardyń bírí típtí qımyl-qozǵalys pen dauys arqyly pármen beríp, jol retteushísí qyzmetín atqardy.
Keıbír robottar qashyqty baǵyndyra almady: bírí startta qūlap qalsa, ekínshísí qorshauǵa soǵyldy. Ūıymdastyrushylardyń málímetínshe, mashınalardyń shamamen 40 paıyzy avtonom túrde qozǵalǵan, qalǵandary qashyqtan basqaryldy.