Qazaqstan Respublıkasy Kólík mınıstrlígínde jol salasynyń kóktemgí qūrylys mausymyna daıyndyǵyna arnalǵan keńes óttí.
Jıynda jol qūrylysy materıaldarynyń qory, jol boıyndaǵy servıstí damytu jáne su tasqyny kezeńíne daıyndyq máselelerí qaraldy, – dep habarlaıdy aqshamnews.kz tílshísí.
Mınıstrlík basshylyǵy bıyl jol salasynda auqymdy jūmystar josparlanǵanyn atap ótíp, daıyndyq sharalaryn jedeldetudí tapsyrdy. Osyǵan baılanysty «osynda jáne qazír» qaǵıdaty boıynsha barlyq ūıymdastyru jūmystaryn uaqytyly ayaqtau qajettígí aıtyldy.
Keńes barysynda «QazAvtoJol» ŪK» AQ óńírlík fılıaldarynyń jol qūrylysy materıaldaryn daıyndau boıynsha atqarǵan jūmystary tyńdaldy. Búgíngí kúní negízgí materıaldardyń qory qalyptastyrylǵan. Atap aıtqanda, 3,1 mln m³ qıyrshyq tas, 78,2 myń tonna bıtum, 15,3 myń tonna temír-beton būıymdary jáne 529 tonna mıneraldy ūntaq daıyndaldy. Daıyndyq jūmystary josparly túrde jalǵasuda. Qazírgí uaqytta konkurstyq rásímder júrgízílíp jatqan jobalar boıynsha jūmystar merdígerlermen shart jasalǵannan keıín bastalady.
Jalpy, 2026 jyly rekonstruktsıya, kúrdelí jáne ortasha jóndeu jūmystarymen 4,3 myń shaqyrym avtojol qamtylady.
Keńeste jol boıyndaǵy servıstí damytu máselesíne de erekshe nazar audaryldy. Ásírese, azamattardyń qolaıly jaǵdaıyn qamtamasyz etude mańyzdy ról atqaratyn sanıtarlyq-gıgıenalyq toraptardyń (SGT) jaı-kúıí qaraldy.
Būǵan deıín keıbír nysandardyń jabyq boluy nemese sanıtarlyq jaǵdaıynyń talapqa saı kelmeuí turaly tūrǵyndar tarapynan shaǵymdar túsken. Osyǵan baılanysty Sapa ortalyǵy respublıkalyq mańyzy bar avtojoldardaǵy jol boıyndaǵy servıs nysandaryna tekseru júrgízdí.
Tekseru barysynda 684 sanıtarlyq-gıgıenalyq torap pen suyq dárethana qaraldy. Nátıjesínde 13 SGT-nyń jūmys ístemeıtíní, al 69 suyq dárethananyń sanıtarlyq jaǵdaıy qanaǵattanarlyqsyz ekení anyqtaldy.
Mınıstrlík basshylyǵy barlyq jol boıyndaǵy servıs nysandaryn qysqa merzímde tártípke keltírudí, olardyń úzdíksíz jūmysyn qamtamasyz etudí jáne ınfraqūrylymdy kútíp ūstau boıynsha jauapkershílíktí kúsheıtudí tapsyrdy. Sonymen qatar qoǵamdyq baqylaudy kúsheıtu qajettígí atap ótíldí.
Sondaı-aq «QazAvtoJol» ŪK» AQ málímetíne sáıkes, jol boıyndaǵy servıs nysandaryn tıístí deńgeıde qamtamasyz etpegení úshín Aqmola oblysyndaǵy «QAJ-Servıs» JShS fılıalynyń basshysy qyzmetínen bosatylǵany, sonymen qatar «QazAvtoJol» ŪK» AQ bírqatar basshylary baqylaudyń jetkílíksízdígí jáne der kezínde shara qoldanbaǵany úshín tártíptík jazaǵa tartylǵany habarlandy. Sanıtarlyq-gıgıenalyq toraptardyń jaǵdaıyna baqylau kúsheıtílíp, anyqtalǵan būzushylyqtardy jedel joyu sharalary qabyldanady.
Keńeste qaralǵan taǵy bír mańyzdy másele – su tasqyny kezeńíne daıyndyq. Qazírgí uaqytta respublıkalyq avtojoldarda 15 myńnan astam su ótkízgísh qūbyr tazartylyp, ashyldy.
Jol qyzmetterí joǵary daıyndyq rejımíne kóshíríldí. Su tasqyny kezeńínde jedel áreket etu úshín 2,1 myńnan astam mamandandyrylǵan tehnıka ázírlendí. Sonymen qatar yqtımal táuekelderge jedel áreket etu sharalary pysyqtalyp, tótenshe jaǵdaılar kezínde paıdalanylatyn balamaly marshruttar aıqyndaldy.
Mınıstrlík basshylyǵy tasqyn kezeńínde avtomobıl joldarynyń jaǵdaıyn táulík boıy baqylaudy, su deńgeıín jáne qauíptí uchaskelerdí tūraqty qadaǵalaudy qamtamasyz etudí tapsyrdy.
Zamanauı árí qauípsíz jol ınfraqūrylymyn damytu baǵytyndaǵy jūmystar júıelí túrde jalǵasatyn bolady.