Ekologtar Almaty-2 vokzalynda lokomotıvterdíń shyǵaryndylarynda lastaushy zattar kontsentratsıyasynyń joǵarylaǵanyn tírkedí., – dep habarlaıdy aqshamnews.kz tílshísí.
“Eco Almaty” JShS-níń mobıldí ekologıyalyq zerthanasy qalalyq tabıǵatty qorǵau prokuraturasymen bírlesíp Almaty-2 vokzaly aumaǵynda temírjol kólígíníń lastaushy zattar shyǵaryndylaryna monıtorıng júrgízdí.
Tekseru barysynda lokomotıvterdíń shyǵaryndy gazy ólshendí. Monıtorıng nátıjelerí boıynsha jekelegen kórsetkíshter boıynsha normadan asyp ketu faktílerí anyqtaldy.
Atap aıtqanda, kómírtegí oksıdíníń (CO) kontsentratsıyasy 17,45 boldy, al bír rettík shektí rūqsat etílgen kontsentratsıya (ShRK) 5,0. Būl belgílengen normatıvten shamamen 3,5 ese joǵary.
Sondaı-aq kúıe (qara kómírtegí) boıynsha da asyp ketu tírkeldí: kontsentratsıyasy 0,528 mg/m³ boldy, al bír rettík ShRK 0,15 mg/m³. Būl da normatıvten shamamen 3,5 ese joǵary.
“Eco Almaty” JShS ekologıyalyq monıtorıng júrgízíp, shyǵaryndylar kórsetkíshterín tírkeıdí. Anyqtalǵan būzushylyqtar turaly aqparat Almaty qalasynyń Ekologıya departamentíne jáne tabıǵatty qorǵau prokuraturasyna odan árí qarau jáne tıístí sharalar qabyldau úshín joldandy.
Tekseruler tūraqty negízde júrgízílíp, atmosferalyq auanyń jaı-kúıín baqylauǵa jáne lastanu kózderín anyqtauǵa baǵyttalǵan.