Almatydaǵy Ortalyq qalalyq klınıkalyq auruhana dárígerlerí asa kúrdelí ota jasap, óndírístík auyr jaraqat alǵan er adamnyń kózín saqtap qalyp, kóru qabíletín íshínara qalpyna keltírdí, – dep habarlaıdy aqshamnews.kz tílshísí.
Nauqas avtokólík jóndeu kezínde kóz mańyna temír qūral tıíp, jedel túrde auruhanaǵa jetkízílgen. Jaraqat óte auyr bolǵan: kózdíń aǵy men qasań qabyǵy jyrtylyp, íshkí qūrylymdary syrtqa shyqqan. Dárígerlerdíń aıtuynsha, mūndaı jaǵdaıda kózdí saqtap qalu múmkíndígí óte tómen bolady.
«Alǵashqy boljam óte qolaısyz edí. Mūndaı jaǵdaıda kóbíne kózdíń semuí damyp, ony saqtap qalu múmkín bolmaı jatady», — deıdí oftalmolog Gúlzat Ábdíraıymova.
Soǵan qaramastan dárígerler bar múmkíndíktí paıdalanyp, nauqastyń kózín saqtap qalu úshín kúrestí. Em bírneshe kezeń boıynsha júrgízílíp, joǵary tehnologıyalyq ádíster qoldanylǵan.
Alǵashqy kezeńde shūǵyl hırurgıyalyq kómek kórsetílíp, jaraqat tígíldí. Keıín nauqastyń jaǵdaıy tūraqtanǵan soń rekonstruktıvtík ota jasalyp, jasandy nūrly qabyq pen kóz būrshaǵy salyndy. Būl úshín arnaıy tapsyryspen daıyndalǵan jeke ımplant qoldanylǵan.
Emdeudíń sońǵy satysynda qasań qabyqty transplantatsıyalau otasy júrgízíldí. Donorlyq materıal kóp múshelí donorlyq baǵdarlama ayasynda tuystarynyń kelísímímen máıíttík donordan alynǵan.
Kezeń-kezeńímen júrgízílgen emníń nátıjesínde dárígerler kóz almasyn saqtap qana qoımaı, kóru qabíletín de íshínara qalpyna keltíre aldy. Qazírgí tańda nauqastyń kóru deńgeıí shamamen 10 paıyz.
Mamandardyń aıtuynsha, mūndaı auyr klınıkalyq jaǵdaıda būl kórsetkíshtíń ózí úlken jetístík.