Almaty qalasynyń prokuraturasy men arnaıy esep júrgízu organdary kásípkerlerdíń zańdy qūqyqtary men múddelerín qorǵauǵa erekshe kóńíl bóledí, – dep habarlaıdy aqshamnews.kz tílshísí.
Būl baǵyt Memleket basshysynyń tapsyrmasymen kúndelíktí júzege asyrylyp, kásípkerlerdíń qūqyqtaryn qorǵau jáne bıznestíń damuyna qolaıly jaǵdaı jasau basty maqsat bolyp otyr.
2025 jyl men 2026 jyldyń alǵashqy kezeńínde Almaty qalasyndaǵy baqylau jáne qadaǵalau organdary 17 619 akt tírkegen, onyń íshínde jeke kásípkerlerge qatysty – 12 139 akt (11 313 tekseru jáne 826 profılaktıkalyq baqylau). Departament zańǵa sáıkes, zańsyz nemese būrys ūıymdastyrylǵan tekserulerdí tírkemeı qoyu qūqyǵyn paıdalanady. Anyqtalǵan būzushylyqtar boıynsha jauapty tūlǵalar ákímshílík jáne tártíptík jauapkershílíkke tartyldy.
Sonymen qatar, prokuratura kásípkerlerge qoldau kórsetu maqsatynda mobıldí qosymsha – «QAMQOR» ázírlegen. Qosymsha kásípkerlerge tekserulerdíń zańdylyǵyn baqylauǵa, qūqyqtaryn qorǵauǵa jáne memlekettík baqylau organdarymen áreketterdí úılestíruge múmkíndík beredí. Būl sharalar Almatydaǵy kásípkerlík ortany zańdy jáne qauípsíz damytuǵa baǵyttalǵan.