Qazaqstan Respublıkasy Prezıdentíníń 2026 jylǵy 11 aqpanda qol qoıǵan Jarlyǵyna sáıkes, 2026 jylǵy 15 nauryzda respublıkalyq referendum ótkízíledí.
Jańa Konstıtutsıya jobasynda ūsynylyp otyrǵan negízgí ózgerísterdíń bírí – advokaturanyń rólí men mártebesín kúsheıtu bolyp tabylady. Osyǵan baılanysty Qazaqstan Respublıkasy jańa Konstıtutsıyasy jobasynyń 86-baby mynadaı redaktsıyada kózdelgen:
«1. Qazaqstan Respublıkasyndaǵy advokatura adamnyń memleket kepíldík bergen sot arqyly qorǵalu qūqyǵyn jáne zań kómegín alu qūqyǵyn íske asyruǵa járdemdesedí. Zań kómegín advokattar men ózge tūlǵalar zańǵa sáıkes kórsetedí.
2. Advokat qyzmetín júzege asyru tártíbí, advokat qūqyqtary, míndetterí men jauaptylyǵy zańda aıqyndalady».
Jańa Konstıtutsıyanyń 86-babynda advokatura ınstıtutynyń konstıtutsıyalyq deńgeıde bekítíluí – bílíktí zań kómegín alu qūqyǵyn eń joǵary qūqyqtyq deńgeıde qamtamasyz etuge baǵyttalǵan írgelí jańashyldyq bolyp tabylady. Atalǵan shara advokattardyń protsestík mártebesín nyǵaıtuǵa, olardyń táuelsízdígín arttyruǵa jáne azamattardyń qūqyqtaryn qorǵaudyń deklaratıvtík emes, naqty kepíldíkterín qamtamasyz etuge yqpal etedí.
Jalpy alǵanda, advokaturany Qazaqstan Respublıkasynyń Konstıtutsıyasynda konstıtutsıyalyq tūrǵydan bekítu onyń ınstıtutsıonaldyq mártebesín arttyryp qana qoımaı, sot arqyly qorǵaluǵa jáne zań kómegín aluǵa qūqyqtyń kepíldíkterín kúsheıtedí, sondaı-aq olardy qamtamasyz etu jóníndegí memlekettíń míndetín aıqyndaı otyryp, advokattyq qyzmettíń zańnamalyq negízderín belgíleıdí.
Ál-Farabı atyndaǵy Qazaq ūlttyq unıversıtetíníń
Zań fakultetíníń 1 kurs doktoranty
Agıbaeva Karına Jenısovna