Osy kezeńde elímízde respublıkalyq jáne jergílíktí mańyzy bar avtomobıl joldarynyń 25 myń shaqyrymnan astamy salynyp, rekonstruktsıyalandy jáne jóndeldí, – dep habarlaıdy aqshamnews.kz tílshísí.
Memleket basshysynyń qoldauymen Qazaqstanda sońǵy jetí jylda jol ınfraqūrylymyn jańǵyrtudyń auqymdy baǵdarlamasy júzege asyryluda.
Qazaqstandaǵy jalpy paıdalanymdaǵyavtomobıl joldary jelísíníń jalpy ūzyndyǵy shamamen 96 myń shaqyrymdy qūraıdy. Onyń 25 myń shaqyrymy respublıkalyq mańyzy bar joldarǵa, al 71 myń shaqyrymy jergílíktí mańyzy bar joldarǵa tıesílí. Írí ınfraqūrylymdyq jobalardy íske asyru jańa kólík dálízderín qalyptastyruǵa, óńírlerdíń baılanysyn arttyruǵa jáne jol jelísíníń sapasyn edáuír jaqsartuǵa múmkíndík berdí.
2019 jyly jergílíktí mańyzy bar avtomobıl joldarynyń normatıvtík jaǵdaıdaǵy úlesí 68 paıyzdy qūrasa, búgínde būl kórsetkísh 91 paıyzǵa jettí. Respublıkalyq mańyzy bar joldar boıynsha normatıvtík jaǵdaıdaǵy joldardyń úlesí 85 paıyzdan 94 paıyzǵa deıín óstí.
Negízgí jobalardyń bírí – elímízdíń írí qalalary Astana men Almaty arasyndaǵy kólík qatynasyn qamtamasyz etetín «Qaraǵandy – Almaty» avtojolyn rekonstruktsıyalau boldy. Joba ayasynda trassanyń jekelegen uchaskelerí keńeıtílíp, kópírler men jol ótpelerí jańǵyrtylyp, jańa kólík aıryqtary salyndy.
«Taldyqorǵan – Óskemen» avtojolynda rekonstruktsıya júrgízílíp, zamanauı asfaltbetonjamylǵysy tóselíp, jol ınfraqūrylymy jańartyldy. Ótken jyly Qytaımen memlekettík shekaraǵa shyǵudy qamtamasyz etetín jáne shyǵys baǵytynyń tranzıttík áleuetín kúsheıtetín «Qalbatau – Maıqapshaǵaı» trassasyn rekonstruktsıyalau ayaqtaldy.
Osy jyldar íshínde íske asyrylǵan írí jobalar qatarynda «Qostanaı – Denısovka», «Aqtóbe – Qandyaǵash – Atyrau» avtojoldaryn, sondaı-aq «Astana – Pavlodar», «Aqtau – Jetíbaı», «Merkí – Burylbaıtal», «Atyrau – Astrahan» trassalarynyń rekonstruktsıyasy da bar. Būl joldar óńíraralyq qatynasty damytuda jáne el íshíndegí ekonomıkalyq baılanystardy nyǵaıtuda mańyzdy ról atqarady.
Jekelegen mańyzdy joba retínde «Úsharal – Dostyq» avtomobıl jolyn jańǵyrtudy atauǵa bolady. Jobany íske asyru jol qozǵalysynyń qauípsízdígín arttyruǵa jáne Qazaqstan-Qytaı shekarasyndaǵy logıstıkalyq torappen kólík baılanysyn jaqsartuǵa múmkíndík berdí.
Qyzylorda oblysynyń aumaǵynda «Qyzylorda – Jezqazǵan» avtojoly rekonstruktsıyalandy. Kóptegen jyldar boıy osy trassanyń jaı-kúıí júrgízushíler men jolaushylar tarapynan synǵa ūshyrap keldí. Qazírgí uaqytta joldyń Ūlytau oblysy aumaǵyndaǵy uchaskelerín rekonstruktsıyalau jalǵasuda.
«Ūzynaǵash – Otar» jobasy ayaqtaldy, sonyń arqasynda Almaty men Shymkent arasyndaǵy kólík dálízíníń negízgí uchaskeleríníń bírínde tórt jolaqty qozǵalys qalyptasty.
Sonymen qatar, Qazaqstandaǵy eń írí Būqtyrma su qoımasy arqyly ótetín kópír jáne Shaqpaq-Baba asuyndaǵy avtomobıl tonnelí paıdalanuǵa beríldí.
Sońǵy jyldardaǵy eń írí ınfraqūrylymdyq jobalardyń bírí – 2023 jyly paıdalanuǵa berílgen Úlken Almaty aınalma avtomobıl joly (ÚAAAJ) boldy. Joldyń kópshílík uchaskelerínde alty jolaq, al jekelegen bólíkterínde tórt jolaqty qozǵalys bar. Joba ayasynda jetí kólík aıryǵy, ondaǵan kópírler men jol ótpelerí salyndy. Būl qūrylys memleket pen jeke sektor áríptestígí ayasynda júzege asyrylyp, Ortalyq Azıyadaǵy auqymy jaǵynan eń írí ınfraqūrylymdyq jobalardyń qataryna qosyldy. ÚAAAJ tranzıttík qatynasty Almaty qalasynyń syrtyna shyǵaruǵa múmkíndík beríp, qalanyń kóshe-jol jelísíne túsetín júktemení aıtarlyqtaı tómendettí.
Būdan basqa, Memleket basshysynyń bastamasy boıynsha respublıkalyq mańyzy bar avtomobıl joldaryn ortasha jóndeudíń auqymdy baǵdarlamasy íske asyrylyp jatyr. Joba ayasynda jalpy ūzyndyǵy shamamen 10 myń shaqyrym jol qamtylmaq. Jūmystar eldíń negízgí baǵyttarynda, onyń íshínde «Jezqazǵan – Petropavl», «Qaraǵandy – Qarqaraly», «Qostanaı – Mamlyutka», sondaı-aq «Óskemen – Semeı» avtojoldarynda júrgízílude.
Aǵymdaǵy jyly ortasha jóndeumen shamamen 5 myń shaqyrym joldy qamtu josparlanyp otyr, al jyl sońyna deıín jańartylǵan trassalardyń shamamen 2 myń shaqyrymyn paıdalanuǵa beru kózdelgen.
Infraqūrylymdyq jobalardy júzege asyrudyń arqasynda strategıyalyq kólík dálízderí qalyptasyp, jańartyldy. Būl dálízder elímízdíń óńírlerí arasyndaǵy jyldam árí qauípsíz baılanysty ornatady, sondaı-aq Qazaqstannyń halyqaralyq kólík marshruttarynyń ıntegratsıyasyn qamtamasyz etedí. Qazírgí uaqytta Qazaqstan aumaǵy arqyly jalpy ūzyndyǵy shamamen 13 myń shaqyrym bolatyn segíz halyqaralyq avtomobıl kólík dálízí ótedí.
Kóptegen jyldar boıy qarjylandyru tapshylyǵy bolǵan jergílíktí jol jelísín damytuǵa erekshe nazar audaryluda. Íske asyrylyp jatqan jobalar qatarynda «Qaraǵandy – Úshtóbe – Qūrylys» joly, Qyzylorda qalasy áuejaıyna kíreberís jol, Amangeldí auylyna kíreberís jáne basqa da bírqatar nysandar bar.
Respublıkalyq jáne jergílíktí mańyzy bar joldardy salu jáne jóndeu qazírdíń ózínde aıtarlyqtaı ekonomıkalyq tıímdílík beríp otyr. Bıznestíń kólíktík shyǵyndary azaıyp, júk tasymaly jyldamdap, óńíraralyq sauda damyp, shaǵyn jáne orta bıznes ósíp, aımaqtardyń ınvestıtsıyalyq áleuetí ósude. Zamanauı avtojol jelísí halyqtyń mobıldílígín, íshkí naryqtyń damuyn jáne eldíń tranzıttík áleuetín nyǵaıtudy qamtamasyz ete otyryp, Qazaqstannyń ekonomıkalyq keńístígíníń karkasyna aınaluda.
Jol ınfraqūrylymyn jańǵyrtu jūmystary árí qaraı jalǵasuda.