Almaty qalasynda Kóktóbe alańynda qazaqstandyq estrada jūldyzdarynyń qatysuymen «Kórísu kúní – Amal merekesí» atty merekelík kontsert ūıymdastyrylady, – dep habarlaıdy aqshamnews.kz tílshísí.
Qazaqstan Respublıkasynyń Ūlttyq ortalyq muzeıínde «Kórísu kúní – tatulyqtyń bastauy» atty mádenı-tanymdyq ís-shara ótedí. Ūlttyq muzeıdíń Atrıumynda «Amal merekesí – ízgílík pen bírlíktíń belgísí» atty baǵdarlama ūıymdastyrylady. Qūddys Qojamıyarov atyndaǵy Respublıkalyq memlekettík akademıyalyq ūıǵyr muzykalyq komedıya teatry «Nauryz – teatrlar men mádenıetterdíń qauyshu merekesí» jobasyn ūsynady.
«Astana Opera» teatrynda «Kúımen kelgen Kórísu» atty kontsert ótse, Ábílhan Qasteev atyndaǵy Memlekettík óner muzeıínde «Kórísu kúní – Amal merekesí» aktsıyasy ūıymdastyrylady.
Astanada ūlttyq oıyndarǵa arnalǵan «Tartys Fest» festıvalí ótedí. Festıval ayasynda arqan tartu jarystary jasandy ıntellekt tehnologıyalaryn qoldana otyryp ótkízíledí. Almaty qalasynda Kóktóbe alańynda qazaqstandyq estrada jūldyzdarynyń qatysuymen «Kórísu kúní – Amal merekesí» atty merekelík kontsert ūıymdastyrylady.
Būl kúní merekelík ís-sharalar elímízdíń óńírlerín de qamtıdy. Aqmola oblysynda «Kórísu kúní» dástúríne arnalǵan kontserttík baǵdarlamalar josparlanǵan. Túrkístan oblysynda «Kórísu kúní – Amal merekesí» atty oblystyq chellendj ótedí.
Al, Batys Qazaqstan oblysynda kórermenderge «Nauryz duman» atty merekelík kontsert ūsynylady.