Qazaqstanda Nauryz merekesíne oraı «Nauryz Sale» respublıkalyq aktsıyasy bastaldy, – dep habarlaıdy aqshamnews.kz tílshísí.
Merekelík nauqan 13–23 nauryz aralyǵynda el aumaǵynda ótíp, júzdegen sauda alańyn bíríktíríp, tūrǵyndar men el qonaqtary úshín kóktemgí jańaru men tıímdí saudanyń erekshe atmosferasyn qalyptastyruda.
Aktsıya ayasynda sauda nysandary satyp alushylarǵa azyq-túlík jáne azyq-túlík emes tauarlarǵa 10–70 paıyzǵa deıín jeńíldíkter ūsynuda. Aktsıyalyq tauarlar arnaıy merekelík baǵa belgílerímen jáne navıgatsıyalyq kórsetkíshtermen belgílengen, būl kelushílerge jeńíldíkpen ūsynylǵan tauarlardy ońaı tabuǵa múmkíndík beredí.
Aktsıyaǵa shamamen 300 sauda subektísí qatysuda. Olardyń qatarynda 140 sauda úıí men sauda-oıyn-sauyq ortalyǵy, 140 sauda jelísí jáne 20 ınternet-platforma bar. Qatysushylar arasynda elímízdíń írí sauda jelílerí Magnum Cash&Carry, Small, Galmart, Anvar, Dına, Toimart, Astykjan, Greenwich jáne basqalary bar.
Aktsıya barysynda otandyq óndírushílerdí qoldauǵa erekshe kóńíl bólínude. Sauda ortalyqtarynda qazaqstandyq kompanıyalardyń ónímderí ūsynylǵan arnaıy aımaqtar ūıymdastyrylyp, onda tauarlar naryqtyq baǵadan orta eseppen 10–20 paıyzǵa tómen baǵamen satyluda.
Satyp alushylar da bírqatar tauarlar baǵasynyń aıtarlyqtaı tómendegenín atap ótude.
«Jeńíldíkter óte kóp ekenín kóríp otyrmyn. Osy sauda jelísínde aktsıya arqyly 5 kelí ūndy 1400 teńgege satyp aldym, sondaı-aq kókónísterdíń baǵasy da tómendegen — kartop pen sábíz aldym. Shynymdy aıtsam, 100 teńgelík baǵa belgílerín būrynnan kórmep edím, búgín shynymen merekelík jeńíldíkter sezíledí», — dedí elorda tūrǵyny Aqbota Jaqaeva.
Merekelík kóńíl kúıdí elímízdíń barlyq óńírínde ótíp jatqan auyl sharuashylyǵy jármeńkelerí de tolyqtyruda. Mūnda tūrǵyndar jergílíktí óndírushílerdíń jańa ónímderín qoljetímdí baǵada satyp ala alady.
«Nauryz Sale» aktsıyasy Nauryzdy jalpyhalyqtyq merekeleudíń bír bólígíne aınalyp, otandyq bıznestí qoldauǵa, íshkí saudany damytuǵa jáne qazaqstandyqtar úshín mereke qarsańyndaǵy saudany odan árí tıímdí etuge baǵyttalǵan.