Almatyda áleumettík mańyzy bar azyq-túlík tauarlarynyń baǵasyn tūraqtandyru boıynsha keshendí sharalar júzege asyrylyp keledí, – dep habarlaıdy aqshamnews.kz tílshísí.
Atap aıtqanda, tauyq etí, jūmyrtqa, qant, kókóníster, jarmalar, ūn, sút ónímderí, ósímdík maıy jáne basqa da negízgí azyq-túlík ónímderíníń baǵasy shektelgen.
Baǵany tūraqtandyru júıesíníń negízí – naryqty azyq-túlíkpen uaqytyly qamtamasyz etetín jáne baǵanyń tapshylyǵy men kúrt auytquyn boldyrmaıtyn óńírlík tūraqtandyru qory. Sonymen qatar, jeńíldíktí qaryzdar men óndírushíler jáne sauda jelílerímen jasalatyn forvardtyq kelísímsharttar qoldanylady. Olar jetkízílím kólemín jáne ónímníń baǵasyn belgílí bír merzímge bekítedí. Barlyq tūraqtandyru tetígín «Almaty» ÁKK júzege asyrady.
Qazírgí uaqytta «Almaty» ÁKK otandyq óndírushílermen qaryz sharttaryn júrgízíp otyr. Mysaly, «Sary-Būlaq» qūs fabrıkasy 2027 jyldyń qazan aıyna deıín bírínshí sanattaǵy 86,4 mln dana jūmyrtqany óndíru jáne satu jónínde kelísímge otyrdy. Sauda jelíleríndegí baǵasy bír dana úshín 59 teńgeden joǵary bolmaıdy. Ónímdí Magnum, Small, Metro, A-store sauda jelílerínen jáne «Alatau-qūs» fırmalyq dúkenderínen satyp aluǵa bolady.
Qūs etín óndírushílermen de kelísímder jasalǵan. «Alatau-qūs» óndírushísímen kelísím boıynsha fırmalyq dúkenderde san men jambas etí kelísíne 1 100 teńgeden bastap, sıraq kelísí 1 650 teńge dep bekítílgen. Sonymen qatar, Nauryz Agro KZ kompanıyasymen jambas pen san etíníń baǵasy kelísíne 1 250 teńge deńgeıínde tūraqtandyryldy. Ónímdí Magnum sauda jelísínen kelísíne 1 438 teńgege deıíngí baǵamen satyp aluǵa bolady. Būl tauarlar boıynsha baǵany tūraqtandyru úsh jylǵa deıíngí merzímge qamtamasyz etílgen.
«Almaty» ÁKK qalanyń írí sauda jelílerímen de seríktestík ornatqan. Magnum Cash&Carry jelísí arqyly jalpy kólemí 10 440 tonna kókónístíń baǵasy tūraqty deńgeıde saqtalyp otyr. Būl tízímge 5 120 tonna kartop, 2 000 tonna sábíz, 2 120 tonna pıyaz, 1 200 tonna qyryqqabat kíredí. Ónímder sáuír aıynyń sońyna deıín bekítílgen baǵamen satylady.
Būǵan qosa, «Almaty» ÁKK men Magnum Cash&Carry arasynda 11 atau boıynsha 606 tonna áleumettík mańyzy bar azyq-túlík ónímderíníń baǵasyn tūraqtandyruǵa arnalǵan kelísím bar. Oǵan qaraqūmyq jarmasy, kúrísh, makaron ónímderí, kúnbaǵys maıy, jūmsaq qaptamadaǵy maılylyǵy 2,5% aıran, maılylyǵy 72,5% sary maı, maılylyǵy 2,5% pasterlengen sút, tauyq etí, sıyr etí (keude-jambas bólígí), bírínshí sortty ūn jáne tūz kíredí. Baǵany tūraqtandyru nauryz aıynyń sońyna deıín qoldanylady. Merzím ayaqtalǵan soń jańa kelísím jasau josparlaǵan.
Sondaı-aq, «Almaty» ÁKK jergílíktí tauaróndírushílerden 4 500 tonna qant satyp aldy. Otandyq qant Magnum, Small, Toimart, «Stolıchnyı», «Yubıleınyı» jáne basqa sauda jelílerí arqyly bastapqy baǵadan 10%-dan aspaıtyn deńgeıde satylady. «Almaty» ÁKK-níń bastapqy baǵasy kelísíne 405 teńge, sauda ústemesí 10%-dan joǵary bolmaıdy. Baǵany tūraqtandyru bıyl qarashaǵa deıín qoldanysta bolady.
«Almaty» ÁKK-níń baǵany tūraqtandyru jóníndegí sharalary turaly tolyq aqparatty https://almatyazyk.kz saıtynan bíluge bolady.