Erte dıagnostıka júıesín jetíldíru, qajettí qyzmetterdí tsıfrlyq formatta qoljetímdí etu jáne ymdau tílí mamandarynyń tapshylyǵyn azaıtu máselelerí kóteríldí, dep habarlaıdy aqshamnews.kz tílshísí.
Memleket basshysynyń Qazaqstan halqyna Joldauynda belgílengen míndetterdí túsíndíru jáne óńírdíń ózektí máselelerín talqylau maqsatynda Qūryltaı men Úkímet ókílderí oblysqa jūmys saparymen keldí. Taldyqorǵan qalasyndaǵy Dostyq úıínde jáne «Atameken» kásípkerler palatasynda ótken kezdesulerge deputat Ekaterına Smolyakova, Qazaqstan Halyq Keńesíníń ókílí Qaırat Kereev, Auyl sharuashylyǵy vıtse-mınıstrí Nazgúl Hatepova, Qarjy vıtse-mınıstrí Dáuren Temírbekov, qoǵamdyq ūıymdar men ísker áıelder qauymdastyǵynyń ókílderí qatysty.
Alǵashqy kezdesu Dostyq úıínde ótíp, onda áleumettík ınfraqūrylymdy jańǵyrtu, auyl sharuashylyǵyn damytu jáne tūrǵyndardy tolǵandyrǵan máseleler talqylandy. Qūryltaı deputaty Ekaterına Smolyakova Jalpyūlttyq qūrylys jylyn tek jańa ǵımarattar salumen shektemeı, áleumettík ınfraqūrylymdy jańǵyrtuǵa baǵyttau qajettígín atap óttí.
Kelesí kezdesu «Atameken» kásípkerler palatasynda ísker áıelderdíń qatysuymen ótkízíldí. Onda áıelder kásípkerlígín damytu, memlekettík satyp alu júıesín jetíldíru, jeńíldetílgen nesıege qoljetímdílíktí arttyru jáne áleumettík kásípkerlíktí qoldau máselelerí talqylandy.
Jūmys sapary ayasyndaǵy taǵy bír mańyzdy basqosu paralımpıadashylarmen óttí. Kezdesu barysynda Qūryltaı deputaty Ekaterına Smolyakova ınklyuzıvtí qoǵam qalyptastyru máselesíne toqtaldy. Qazírgí tańda elímízde erekshe qoldaudy qajet etetín 240 myńǵa juyq bala bar. Olarǵa medıtsınalyq, psıhologıyalyq-pedagogıkalyq jáne ońaltu kómegín uaqtyly kórsetíluíníń mańyzy úlken. Osy baǵytta balalardy keshendí qoldau jóníndegí zań jobasy ázírlenude. Sonymen qatar erte dıagnostıka júıesín jetíldíru, qajettí qyzmetterdí tsıfrlyq formatta qoljetímdí etu jáne ymdau tílí mamandarynyń tapshylyǵyn azaıtu máselelerí kóteríldí.
Qarjy vıtse-mınıstrí Dáuren Temírbekov paralımpıadalyq sportty damytuǵa memlekettík qoldau jalǵasatynyn jetkízdí. Atap aıtqanda, sportshylardy halyqaralyq jarystarǵa dayarlau, qajettí qūral-jabdyqtarmen qamtamasyz etu, júldegerlerdí yntalandyru jáne olardy súıemeldeushílerdíń shyǵyndaryn óteu qarastyrylǵan.
Taldyqorǵandaǵy Tíl saraıynda oblystyq Qoǵamdyq keńes múshelerímen kezdesu óttí. Jıynda Memleket basshysynyń Joldauynda aıtylǵan míndetter, aımaqtyń áleumettík-ekonomıkalyq damuy jáne halyqtyń tūrmys sapasyn arttyru máselelerí sóz boldy.
Osydan keıín QR Qūryltaıynyń deputaty Nauryz Saılaubaı men QR Halyq keńesíníń múshesí Rufına Usanova Taldyqorǵan qalasyndaǵy «Qaınar AKB» jauapkershílígí shekteulí seríktestígíníń ūjymymen kezdestí. Kásíporynnyń májílís zalynda ótken ís-sharaǵa 100 adam qatysty. Qonaqtar zauytty aralap, onyń qyzmetímen tanysty.
Kelesí kezekte qonaqtar Taldyqorǵan qalasyndaǵy Belsendí ūzaq ómír súru ortalyǵynda aǵa buyn ókílderímen júzdestí. Kezdesude qarttardy áleumettík qoldau, olardyń tūrmys sapasyn jaqsartu jáne qoǵam ómíríne belsendí qatysuyna jaǵdaı jasauǵa baılanysty túsken ūsynystardy tyńdap, naqty jauaptar beríldí.
Osydan keıín halyq qalaulylary Í. Jansúgírov atyndaǵy Jetísu unıversıtetíníń ūjymymen kezdestí. Onda joǵary bílím beru júıesín damytu, mamandardy dayarlau sapasyn arttyru, óńírdíń kadrlyq áleuetín nyǵaıtu jáne unıversıtettíń oblystyń áleumettík-ekonomıkalyq damuyndaǵy rólí talqylandy. Sondaı-aq oqu ornynyń bílím beru jáne ǵylymı áleuetí, jūmys berushílermen baılanysy men aldaǵy damu baǵyttary sóz boldy.
Sapar sońynda Qūryltaı men Úkímet ókílderí Kóksu jáne Eskeldí audandaryna baryp, tūrǵyndarmen kezdestí.