Keshe, 6 mausym kúní, Almatydaǵy «Sūńqar» halyqaralyq shańǵy tramplınderí kesheníníń aumaǵynda zamanauı qazaqstandyq muzykanyń basty merekesí — mereıtoılyq Beu Fest festıvalí óttí. Beu FM radıostantsıyasynyń tíkeleı qoldauymen ūıymdastyrylǵan auqymdy shara myńdaǵan kórermen jınap, osy jazdyń basyndaǵy eń jarqyn mádenı oqıǵaǵa aınaldy, – dep habarlaıdy aqshamnews.kz tílshísí.
Osydan bes jyl būryn bastau alǵan Beu Fest búgínde Qazaqstannyń mádenı ómíríníń ajyramas bólígí jáne muzykalyq trendterdí qalyptastyratyn basty alań retínde tanyldy. Radıo men jandy dauystyń bíregeı sınergıyasy jobaǵa erekshe mártebe beredí, al onyń auqymy jyl saıyn artyp keledí. Būl jolǵy mereıtoılyq festıval būryn-sońdy bolmaǵan laınappen, ozyq shou-tehnologıyalarmen jáne ǵajaıyp energetıkasymen este qaldy.
Janrlar toǵysy jáne ańyzdardyń oraluy. Bıyl ūıymdastyrushylar bír sahnada elímízdíń basty hıtmeıkerlerín, jastardyń kumırlerín jáne estrada ańyzdaryn jınady. Kórermenderge Ninety One, Qaırat Nūrtas, Shiza, ALEM, Yenlik, M'Dee, Ayau, Janar Dūǵalova, Bonapart, Ulukmanapo jáne Mırbek Atabekov ūmytylmas áser syılady.
Festıval ózíníń basty mıssıyasyn taǵy da dáleldedí: ózektí hıp-hop pen ındıden bastap, kulttík Q-pop pen estradaǵa deıíngí stılder arasyndaǵy shekaralar tolyǵymen joıyldy. Trekterí nostalgıya tudyratyn aty ańyzǵa aınalǵan Ghetto Dogs tobynyń sahnaǵa oraluy erekshe furor jasady. Búgíngí chart kóshbasshylarynyń quatty energetıkasy «Sūńqar» keshenín dúr sílkíndírdí — myńdaǵan kórermen súıíktí hıtterín ártístermen bírge shyrqady.
5-shí mereıtoılyq Beu Fest-tíń erekshe kórkí kórermender úshín naǵyz tosynsyı bolǵan kútpegen kollaboratsıyalar boldy. Keshtíń basty jańalyǵy Shiza men Janar Dūǵalovanyń bírlesken fıtí — myńdaǵan halyqtyń qoshemetíne bólengen janrlardyń batyl úılesímí edí.
Festıvaldíń taǵy bír eksklyuzıví dúrkíregen premeraǵa ūlasty: Ulukmanapo men Yenlik sahnada mínsíz stılí men quatty energetıkasyn pash ete otyryp, ózderíníń su jańa ortaq ánín tartu ettí.
Al ís-shara barysynda kórermenníń kóńíl-kúıíne taǵy bír jarqyn duet — harızmatıkalyq júrgízushíler tandemí Jeka Fatbelly men Sabırkın jauap berdí. Olardyń halyqpen baılanysy būl keshtí shynymen de ūmytylmastaı ettí.
«Bıyl Beu Fest ózíníń bes jyldyǵyn múldem jańa sapaly deńgeıde atap óttí. Bíz myqty muzykalyq qūramdy jınap qana qoımaı, zamanauı qazaqstandyq muzykanyń qanshalyqty auqymdy, kóp qyrly jáne quatty ekenín kórsettík. Bízdíń ıdeyamyzdy qoldaǵan árbír kórermenge, ártísterge, seríktesterge jáne, árıne, Beu FM radıosynyń tūraqty tyńdarmandaryna zor alǵysymyzdy bíldíremíz. Būl — bízdíń ortaq jeńísímíz jáne úlken mádenı mereke», — dep atap óttí Beu Fest festıvalíníń ūıymdastyru komıtetí.
Mereıtoılyq Beu Fest tek auqymdy kontsert qana emes, sonymen qatar ındustrıyany damytuǵa arnalǵan naǵyz jolashar alańǵa aınaldy. Jyldan jylǵa festıval úlken sahnaǵa jańa esímderdí shyǵaryp, jańa talanttardy tanystyrudyń mańyzdy dástúrín saqtap keledí. Būl joly kóp myńdyq audıtorıya jarqyn debyutanttardy: SALSERI, DIDAR TOLEGEN, ASTRA, UMAY, sondaı-aq Beckth & Tibo-ny ystyq yqylaspen qarsy aldy. Kórermenderdíń joǵary mádenıetí men ūıymdastyrushylardyń kásíbılígíníń arqasynda auqymdy ís-shara qauípsízdík pen jaılylyqtyń eń joǵary deńgeıínde óttí.